УИХ-ын гишүүн С.Цэнгүүн: Юуны өмнө харамсалтай мэдээ дуулгаж байгаадаа хүлцэл өчье. ДЦС-3 дээр осол гарч 1 хүний амь харамсалтайгаар эрсдсэн билээ.
Одоо асуудлаа нээлттэй, ил тод ярих цаг болсон. Цаашид хэчнээн хүн амь эрсдэхийг нууж чадах юм бэ?
2024 оны сонгуулийн үр дүнгээр байгуулагдсан УИХ-ын хийсэн хамгийн чухал ажлуудын нэг нь эрчим хүчний салбарыг бодлогоор дэмжсэн. Ялангуяа тарифын шинэчлэлийн хүрээнд 600 орчим тэрбум төгрөгийн орлогыг төрийн болон төрийн оролцоот байгууллага хоорондын дансны авлага, өглөгийг хаахад зарцуулсан. 285 төгрөгөөр үйлдвэрлэдэг цахилгааныг 175 төгрөгөөр борлуулж, хуучирсан тоног төхөөрөмжүүдээ шинэчилж чадахгүй явсаар ЦС-ууд хот доторх дарьтай торх болсон байна. Өөрөөр хэлбэл олон жил чухал асуудлаа шийдэхгүй орхигдуулж ирсний төлбөрт төлсөн гэсэн үг.
Эрчим хүчний салбар гүн хямралд орсны үндсэн шалтгаан нь нөгөө л халамжийн бодлого!
Мөнгө байвал асуудлаа шийднэ гээд өндөр хүлээлт үүсгэсэн ЭХЯ-ны 210 хоногийн гүйцэтгэлийг миний хувьд “маш хангалтгүй” гэж дүгнэж байна.
Эрчим хүчний салбарт “эс үйлдэхүй”-гээр хариуцлагаас зугтдаг байдлыг халах цаг болсон. Олон жилийн турш салбарын ХАБ, эдийн засгийн үр өгөөжийг сайжруулж чадаагүй удирдлагууд хариуцлага хүлээх ёстой.
ЭХЯ, Эрчис Монгол хоёр осолтой холбоотой асуудал дээр хэрэлдээд дуусах шинжтэй гэв.
