Монголд хип хоп урсгал эрчээ авч байх үед хайрын тухай дуунуудыг олны хүртээл болгож, гаргасан дуу бүхэн нь хит болж байсан Flash, Outlaw, Мөнхийн реп, Noname зэрэг дөрвөн хамтлаг нийлж, энэ сарын 9-нд “Hit park”-д “ALL IN HIT” тоглолт зохион байгуулсан билээ.
Дээрх хамтлагуудын цахим хуудаст ирсэн санал болон Төв цэнгэлдэх хүрээлэнгээс тавьсан хүсэлтийн дагуу хамтлагууд дахин нэгдэж, өчигдөр (2024.08.25) “All in HIT 2” тоглолтоо зохион байгууллаа. Тоглолтыг 35 мянган хүн ирж үзэж, Төв цэнгэлдэх хүрээлэнг дүүргэсэн юм.
Тоглолтын үеэр “Outlaw” хамтлаг есдүгээр сарын 20-нд “Hit park”-д 20 жилийн ойн тоглолтоо зохион байгуулах талаар үзэгч, фенүүддээ дуулгалаа.
