Улсын төсвийн хайгуул хийж нөөцийг нь тогтоож УИХ-ын тогтоолоор стратегийн орд хэмээн тогтоосон ч хууль зөрчиж хувийн эзэмшилд өгсөн, гадаадынханд зарагдсан ордуудыг төр буцаан авахаар эхнээсээ хэлэлцээр хийж эхэлсэн. Үүний нэг болох Төгрөг нуурын ордыг УИХ-ын гишүүн Х.Баттулга гадаадынханд 250 сая доллараар худалдсаныг өнөөдөр ЗГХЭГ-ын дарга Н.Учрал мэдэгдлээ. Үүнтэй холбогдуулан энэ ордыг талаарх мэдээллийг фокуслав.
Төв аймгийн Баян сумын нутагт оршдог Төгрөг нуурын хүрэн нүүрсний бүлэг орд 20-30 км газар нутгийг хамардаг. Урьдчилсан таамгаар 3 тэрбум тонн нөөцтэй, 10 гаруй компани лиценз эзэмшдэг. "Төгрөг нуур энержи" ХХК Тахилт талбайд хайгуул хийж, 68 сая тонн нүүрсний нөөц тогтоосон хэд хэдэн лиценз эзэмшдэг гэж бүртгэгдсэн байна. Улсын төсвийн хөрөнгөөр1983 онд урьдчилсан хайгуул хийсэн Стратегийн 39 ордын нэг билээ.
ТӨГРӨГ НУУРЫН БҮЛЭГ ОРДЫГ ХУУЛЬ БУСААР ХУВААН ЭЗЭМШИГЧИД:
"Төгрөг нуур девелопмент" ХХК, Төгрөг, Төгрөг нуур талбайд "Төгрөг тал" ХХК, Тахилт-1 болон Тахилтын нүүрсний орд, Тахилт-2 талбайд "Төгрөг нуур энержи" ХХК, "Цэцэнс холдинг" болон "Коммонмакс", "Монроспром уголь" компаниуд ашиглалтын тусгай зөвшөөрөл тус тус эзэмшиж байна.
Бүлэг ордыг хууль бусаар хэсэгчилэн хуваан эзэмшсэн эдгээр компаниудын баримтыг цувралаар фокуслана.
