Иргэн А.Баяржавхлан цахим орчинд мэдээлэл хийж, 9.3 тэрбумын гэх асуудлаар мөрийтэй тоглоом зохион байгуулсан үндэслэлээр цагдан хоригдсон А.О-гийн ах гэдгээ хэлж, мэдэгдэл хийсэн.
Үүнтэй холбогдуулж ЦЕГ-аас мэдээлэл хийлээ.
Энэ үеэр ЦЕГ-ын Кибер гэмт хэрэгтэй тэмцэх хэлтсийн дарга С.Тайван,
"Сүүлийн дөрвөн жилд цахим мөрийтэй тоглоомтой холбоотой 299 хэргийг шүүхээр эцэслэн шийдвэрлээд байна. Энэ төрлийн гэмт хэрэг зохион байгуулалттай үйлдэгддэг. Иймд гадаад улсаас үйлдэх болсон. Тухайлбал иргэн Э-гийн 35 хүнтэй бүлэглэл бий. Тэднийг үйлдэж байхад нь “Шувуу” ажиллагааны хүрээнд албадан баривчилж Монголд авчирсан. Мөн дахиад 28 хүний бүрэлдэхүүнтэй Г-гийн бүлэглэл байна. Мөрдөн шалгах ажиллагаа явуулж, хоёр этгээд нь цагдан хоригдож байна. Б-гийн бүлэглэл байгаа. Энэ нь өчигдөр орой цахим орчинд мэдэгдэл хийсэн А.Баяржавхлан гэж хүний хамаарал бүхий бөгөөд 18 хүний бүрэлдэхүүнтэй. Мөн гадаадаас үйлдэж байгаа нь үүгээр тодорхой болж байх шиг байна.
Цагдаагийн байгууллага тасралтгүй тэмцэж байгаа.
О, Б нар нь шүүгчийн захирамжаар цагдан хоригдсон байгаа. Мөрийтэй тоглоом зохион байгуулах, гэмт бүлэг үүсгэх, мөнгө угаах зэрэг гурван төрлийн гэмт хэрэгт мөрдөн шалгах ажиллагаа явуулж байгаа.
2023 оноос хойш мэдээлэл хийсэн иргэний бүлэглэлд холбогдох, таван иргэний 10 дансыг хязгаарлаж ажилласан байна. Нэг нь Б бөгөөд 2010-2019 онд цагдаагийн байгууллагад ажиллаж байсан" гэлээ.
