УИХ-ын чуулганы хуралдаан хуралдааны эхэнд гурван хуулийн төслийг яаралтай хэлэлцэх эсэх дээр санал хураахад гишүүдийн олонх нь дэмжлээ.
Үүнд:
- “Монгол Улсын Засгийн газар, Бүгд Найрамдах Хятад Ард Улсын Засгийн газар хооронд Гашуунсухайт-Ганцмод боомтын хил дамнасан төмөр замын бүтээн байгуулалтыг хэрэгжүүлэх хэлэлцээрийг байгуулахад баримтлах чиглэл батлах тухай” Улсын Их Хурлын тогтоолын төсөл.
- УИХ-ын гишүүдийн 83.9 хувь буюу олонх дэмжсэн тул тогтоолын төслийг УИХ-ын чуулганаар яаралтай хэлэлцэхийг дэмжив.
- Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл. УИХ-ын гишүүдийн 80.5 хувь буюу олонх дэмжлээ.
- Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай Улсын Их Хурлын тогтоолын төсөл.
- УИХ-ын гишүүдийн 83.1 хувь нь дэмжив.
Эдийн засгийн байнгын хороо одоо хуралдаж байгаа бөгөөд тухайн төслүүдийн хэлэлцэх эсэх хэлэлцүүлгийн өрнүүлж байна.
