Монгол улсын Шадар Сайд С. Амарсайханы өгсөн үүрэг чиглэлийн дагуу “ХОРШООЛОГЧДООС-ХОТЫНХОНДОО” уриан дор Өвлийн идэш арга хэмжээг 2024 оны 12 дугаар сарын 12-21 ны өдрүүдэд амжилттай зохион байгууллаа.
Шинэ хоршоо салбар дундын уялдаа холбоог хангах Үндэсний хорооны санаачилгаар Улаанбаатар хотын хүн амын өвлийн улирлын хүнсний хэрэгцээнд зориулсан махны хангамжийн тогтвортой байдлыг хадгалах, орон нутгийн малчид хоршоологчдын малын махыг дундын зуучлалгүйгээр хэрэглэгчдэд шууд хүргэх зорилгоор “ХОРШООЛОГЧДООС- ХОТЫНХОНДОО” Өвлийн Идэш өргөтгөсөн худалдаанд нийт 11 аймгийн 37 хоршоологч, 99 малчин оролцсон байна.
Малчид хоршоологчид 10 өдрийн хугацаанд 443.1тонн мах, 5.4 тонн гахайн мах, 35.1 тонн цагаан идээ, 10.7 тонн жимс, жимсгэнэ борлуулж, нийт 12.2 тэрбум төгрөгийн борлуулалт хийжээ.
Оролцогч иргэдийн сэтгэл ханамж өндөр ченжийн гар дамжихгүй, үнэ боломжийн тал талдаа уялдаа сайтай байгааг онцолж байгаа юм.
