Нийслэлийн Баянзүрх дүүргийн 2 дугаар хороонд утаа гараад байна гэх дуудлага өчигдөр (2024.12.27) 23:32 цагт Онцгой байдлын албанд иржээ.
Дуудлагын дагуу Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход, тус байрны 1 давхрын агааржуулалтын хоолой шатаж 11, 12 дугаар давхарт их хэмжээний утаа хурсан байсныг агаарыг сэлгэн гаргаж, галыг унтраасан.
Тухайн байрны 12 давхрын оршин суугч 1-22 насны гурван хүн угаартсан байсныг Нийслэлийн Яаралтай түргэн тусламжийн эмчид хүлээлгэн өгсөн. Мөн утаажилтын бүсээс 45 хүнийг гаргажээ.
