Монгол Улсын 2025 оны төсвийн тухай хуульд орсон нэмэлт өөрчлөлтөөр боловсролын салбарт 1,330.6 тэрбум төгрөгийн төсөвт өртөг бүхий 190 төсөл арга хэмжээг 472.7 тэрбум төгрөгөөр санхүүжүүлэхээр батлагдав. Төсвийн урсгал зардлыг бууруулсан эх үүсвэрээр сургууль, цэцэрлэг, дотуур байрны хүүхдийн хоолны зардалд 31.4 тэрбум төгрөг, цэцэрлэг болон гурван ээлжээр хичээллэж байгаа ерөнхий боловсролын сургуулийн байрны түрээсийн зардалд 10 тэрбум төгрөгийг зарцуулахаар нэмж тусгалаа.
Ирэх онд улсын төсвийн хөрөнгө оруулалтаар:
Түүнчлэн дотуур байрны хүүхдийн хоолны зардал ахлах ангид 4300 байсныг 6500 төгрөг, дунд болон бага ангид 4000 байсныг 6000 төгрөг болгон нэмэгдүүлэх төсвийг батлуулав.
Үдийн хоолны хувьд нэг хүүхдийн хоолны түүхий эд материалын зардал 1500 төгрөг байсныг 2400 төгрөг болгож нэмэгдүүлэхээр төсөвлөлөө. Мөн ирэх онд хоолны түүхий эд материалын ханган нийлүүлэлтийн тогтолцоог боловсронгуй болгох, цаашлаад хүнсний хувьсгал болон шинэ хоршоо хөдөлгөөний хүрээнд малчдын гараас чанарын шаардлага хангасан түүхий эдийг худалдан авах тогтолцоог бий болгохоор төлөвлөж байна.
Боловсролын зээлийн сангийн батлагдсан төсөвт багтаан хяналтын тоог нарийн тооцож тогтоох, зээлийн эргэн төлөлтөөс санхүүжих эх үүсвэрийг 30.0 тэрбум төгрөгөөр нэмэгдүүлэх боллоо.
Ерөнхийлөгчийн хориг, төсвийн алдагдлыг бууруулах төсвийн тодотголтой холбоотойгоор анх батлагдсан дүнгээс багш, ажилчдын цалин болон нийгмийн баталгааг хангахтай холбоотой зардлууд буураагүй.
Салбарын хэмжээнд 2025 оны батлагдсан төсөв анх өргөн барьсан төсвөөс 3.6 хувиар буурч байгаатай холбоотойгоор Багшийн гүйцэтгэлийн үнэлгээ, хувь хүнд чиглэсэн зардлууд болон боловсролын салбарын чанарыг сайжруулах зорилгоор хэрэгжүүлэх арга хэмжээний зарим зардлыг төсвийн ерөнхийлөн захирагчийн батлагдсан төсвийн хүрээнд уян хатан зохицуулалт хийн шийдвэрлэх боломжтой.
