Монгол Улсын Шадар сайд С.Амарсайхан Ази, Номхон далайн бүсийн улсуудын гамшгийн асуудал хариуцсан сайд нарын өндөр түвшний бага хуралд оролцох үеэрээ Ази, Номхон далайн бүсийн Хүүхдийн сангийн захирал Жүүн Күнүгитэй уулзаж, ярилцлаа.
Уулзалтын эхэнд Монгол Улсын Шадар сайд С.Амарсайхан Монгол Улстай сайн харилцаатай хамтран ажиллаж, хүүхдийн хөгжлийн бодлогын асуудлыг сайжруулахад тууштай дэмжлэг үзүүлж ирсэнд талархал илэрхийлэв.
Манай улс залуучууддаа чиглэсэн хөрөнгө оруулалтыг нэмэгдүүлэх, боловсрол, сургалтын системийг сайжруулан шинэчлэх төлөвлөгөөг төр хувийн хэвшлийн хамтын ажиллагаанд тулгуурлан дэмжих зорилготой Generation Unlimited хөдөлгөөнд нэгдэн орох хүсэлтэйгээ илэрхийлсээр ирсэн байдаг.
Тус хөдөлгөөн нь 10-24 насны залуучууд, өсвөр насныханд чанартай боловсрол, сургалт, ур чадвар эзэмшүүлэх, улмаар зохистой хөдөлмөр эрхлэх боломжийг нь нэмэгдүүлэх зорилготой олон талт хамтын ажиллагаа юм. Мөн тус хөдөлгөөнийг хүлээн авагч олон улсын байгууллагуудын нэг нь НҮБ-ын Хүүхдийн сан бөгөөд энэхүү хөтөлбөрийг хэрэгжүүлэхэд Ази, Номхон далайн бүсийн Хүүхдийн сангийн дэмжлэг хэрэгтэйг онцолсон
Талууд цаашид хүүхдийн хөгжил, хамгаалал, сургалтын чанар хүртээмж, хүүхдийн аюулгүй байдал, эрүүд ахуйг сайжруулах чиглэлээр нягт хамтран ажиллана гэдэгт итгэлтэй байгаагаа илэрхийллээ.
