“Хас” банкны буюу "Ард санхүүгийн нэгдэл”-ийн захирал Ч.Ганхуяг нар 2022 оны арванхоёрдугаар сард нэгэн эмэгтэйн биед халдаж, гэмтэл учруулсан эрүүгийн хэргийн шүүх хурал өчигдөр /2024.10.09/ Сүхбаатар дүүргийн эрүүгийн хэргийн шүүхэд боллоо. Шүүхээс Ч.Ганхуяг, Ч.Золбоо нарыг бусдын биед санаатай гэмтэл учруулсан гэм буруутай тооцож, Ч.Золбоод 4 сая төгрөгийн, харин Ч.Ганхуягт 1 сая 350 мянган төгрөгийн торгох ял оноосон байна. Тэднийг анх удаа гэмт хэрэг үйлдэж байгаа, мөн гэм буруугаа хүлээн зөвшөөрсөн зэрэг шалтгаанаар шүүх ийнхүү торгох ял оноожээ. Харин Прокуророос Ч.Ганхуяг, Ч.Золбоо нарт Эрүүгийн хуулийн 11.4-1 дэх хэсэг, 11.6-1 дэх хэсэгт зааснаар буюу нэг жил хүртэл зорчих эрхийг хязгаарлах ялтай зүйл ангиар ялласан байдаг юм.
