Зүүн Азийн волейболын эрэгтэйчүүдийн аварга шалгаруулах тэмцээн энэ сарын 5-9-ний өдрүүдэд манай улсад зохион байгуулагдана. УИХ-ын даргын ивээл дор болж буй тус тэмцээнд БНХАУ, Япон, БНСУ, Тайвань, Хонконг болон Монгол, Макаогийн шигшээ багууд тоглоно.
Зүүн Азийн аварга шалгаруулах тэмцээн нь бүс нутгийн хамгийн өндөр өрсөлдөөнтэй тэмцээний нэг бөгөөд манай улсад тав дахь удаагаа болж байна. Тодруулбал, 2000, 2008, 2015, 2017 онуудад Зүүн Азийн аварга багууд тодорч байв. Энэ тэмцээнээс манай эмэгтэй шигшээ баг 2000 онд мөнгө, 2008 онд хүрэл медаль хүртэж байв. Харин эрэгтэй баг хоёр удаа буюу 2015, 2017 онуудад дөрөвдүгээр байр эзэлсэн юм.
