Хууль зүй, дотоод хэргийн сайд С.Амарсайхан нөөдөр Улсын бүртгэлийн ерөнхий газарт ажиллаж, ажилтан албан хаагчидтай уулзан тулгамдаж буй асуудлуудын талаар сонсож, холбогдох албан тушаалтнуудад үүрэг чиглэл өглөө.
Төрөөс иргэн, хуулийн этгээдэд үзүүлж байгаа нийт төрийн үйлчилгээний 40 гаруй хувийг Улсын бүртгэлийн байгууллага дангаараа үзүүлдэг. Гэтэл төрийн үйлчилгээ хүнд сурталтай, чирэгдэл ихтэй байгааг иргэд шүүмжилдэг.
Монгол Улсын Засгийн газраас төрийн үйлчилгээг ИРГЭН ТӨВТЭЙ болгохын тулд төр өөрт байгаа мэдээллийг иргэнээс дахин нэхдэг байдлыг бүрэн халах бодлого баримталж байна.
Цаашид төрсний гэрчилгээ, гэрлэсний гэрчилгээ, нас барсны гэрчилгээ, газрын болон үл хөдлөх хөрөнгийн гэрчилгээг 100 хувь цахим болгох ажлыг Улсын бүртгэлийн багц хуулийн нэмэлт, өөрчлөлтөд тусган яаралтай горимоор батлуулахаар ажиллаж байна.
Түүнчлэн сүүлийн жилүүдэд үл хөдлөх хөрөнгө, орон сууцтай холбоотой залилан, давхар худалдаа, барьцааны зөрчилтэй холбоотой иргэдийн хохирол эрс нэмэгдсэн. Иргэдийг өмч хөрөнгөөр нь хохироодог эрх зүйн цоорхой, бүртгэлийн сул зохицуулалтыг яаралтай цэгцлэх шаардлага үүсээд байна.
Энэ чиглэлээр холбогдох журам, зохицуулалтын өөрчлөлтийн саналыг яаралтай боловсруулж танилцуулахыг УБЕГ-ын удирдлагуудад үүрэг болголоо.
Улсын бүртгэлийн мэдээллийн сангийн аюулгүй байдал, архивын хамгаалалт, серверийн хүчин чадал, цахим системийн найдвартай ажиллагаанд онцгой ач холбогдол өгч, шаардлагатай төсөв хөрөнгө, техник технологи, хүний нөөцийн асуудлыг үе шаттайгаар шийдвэрлэхэд анхаарч ажиллана.
Өнөөдөр дэлхий даяар төрийн мэдээллийн сан руу чиглэсэн кибер халдлага, хиймэл оюунд суурилсан хуурамч дүрс, дуу, бичлэгийн манипуляци, цахим виз болон цахим бүртгэлийн залилан, зохион байгуулалттай худал мэдээллийн ажиллагаа эрчимтэй өсөж байна.
Ийм нөхцөлд Улсын бүртгэлийн байгууллага:
0 
0 
0 
0 
0 
0 
0 
