Намраас хойш бужигнасан улс төр МАН-ын дарга Н.Учралыг дүрмийн дагуу Ерөнхий сайдаар томилсноор цэгцрэх шатандаа нэг алхам урагшлав. Миний хурдыг гүйцэх сайн менежерээр Танхимаа бүрдүүлнэ хэмээн зарласан Н.Учралын хувьд хамгийн залуу Ерөнхий сайд бас хурд, шийдэмгий зангаараа COOD хэмээн үнэлэгдэж буй.
Харин УИХ-ын даргад нэр дэвшигчдээс хүн чанар, мөн чанар, ойлголцол, эвлэрлийг эрэлхийлэгч гэдгээрээ С.Амарсайхан COOL улстөрчөөр тодорч байна
Өнөөдөр дэлхийн геополитик болон дотоод дахь нийгэм эдийн засаг, улс төрийн эмзэг үед Засгийн газар хурдтай шийдэмгий ажиллахаас аргагүй. Харин Парламент нь Засгийн газрынхаа хурдыг гүйцэж, 126 гишүүнийхээ эв нэгдлийг ханган ажиллаж чадахгүй бол Ерөнхий сайд нь хичнээн COOD байгаад ч МАН-ын талцал үргэлжилсээр дараалсан сонгуулиудтай нүүр тулна.
Хоёрхон жилийн дотор эрх баригч намд явагдаж буй эрх мэдлийн дахин хуваарилалт Парламент дахь бусад намуудынхаа үйл ажиллагаанд ч нөлөөлж эхэлсэн.
Тиймээс МАН-ын аль нэг тал нь хүч түрэн УИХ-ын даргыг тулгасан тохиолдолд сонгуулийн циклийн үлдсэн хугацаанд Н.Учралын Засгийн газарт сөргөөр нөлөөлөх нь тодорхой юм. Хичнээн сайн ажиллаад ч парламент дотроо эвээ олохгүй бол УИХ дахь хүчний харьцаа ямар эрсдэл дагуулж, гацааж зогсоодгийг өнгөрсөн хугацаан дахь үйл явдал харуулсан. Үүнийг Ерөнхийлөгч болон эрх баригч намын удирдлагууд тооцоолон УИХ-ын даргад эвийг эрхэмлэж чадах хүнийг нэр дэвшүүлэхээс аргагүйд хүрч байна.
