УИХ-ын гишүүн С.Амарсайхан УИХ-ын Гишүүн ТББХ-ны дарга Ц.Сандаг-Очирын хамт Монгол Улсын хөдөлмөрийн баатар, ахмад уурхайчин, Налайх дүүргийн Хүндэт иргэн, ахмад настан, Хөдөлмөрийн баатар Т.Охобал, Налайх дүүргийн Мекке сүмийн тэргүүн Р.Жанарбек нарын гэрээр зочилж, Наурызын баярын хүндэтгэл үзүүллээ.
Монгол Улсын хөдөлмөрийн баатар, ахмад уурхайчин Т.Охобал нь С.Амарсайханы аавтай мөр зэрэгцэн ажиллаж, Налайхын уурхайн түүхийг бичилцэн, улс эх орноо элч гэрлээр тэтгэж явсан эрхэм хүний нэг юм байна.
Т.Охобал 1991 онд Монгол Улсын Хөдөлмөрийн баатар цол хүртсэн Налайхын уурхайгаас төрсөн есөн баатрын нэг. Тэрээр “Хүрз барьсан ажлын гараа Хөдөлмөрийн баатар болох эхлэл байжээ” хэмээх хуучлан сууна.
Налайх дүүргийн 4 дүгээр хорооны иргэн Р.Жанарбек 1998 оноос хойш Налайх дүүргийн “Мекке” сүмийн тэргүүнээр ажиллаж байна. Р.Жанарбек нь Казак түмнийхээ өв соёлыг түгээн, дэлгэрүүлэхэд залуу нас, халуун сэтгэлээ зориулжээ.
Тэрээр 2014 онд зохиогдсон Төвийн бүсийн казак иргэдийн “Алтан бүргэд” урлагийн наадам, Шижре ургийн баярыг тус тус санаачилан зохион байгуулжээ.
КАЗАХ ТҮМЭН МИНЬ НАУРЫЗЫН БАЯРАА УРАГ ТӨРЛӨӨРӨӨ ӨРГӨН ДЭЛГЭР САЙХАН ТЭМДЭГЛЭЭРЭЙ
