Өнөөдөр Хот байгуулалт, барилга, орон сууцжуулалтын яамнаас Төрийн өмчийн орон сууцыг иргэдэд хөлслүүлэх, өмчлүүлэх, борлуулах журмын талаар мэдээлэл хийв.
Хот байгуулалт, барилга, орон сууцжуулалтын сайд Э.Бат-Амгалангийн ярьснаар төрийн өмчийн орон сууцыг зарах, борлуулах журам сүүлийн арав гаруй жил шинэчлэгдээгүйгээс эрх зүйн орчныг нь зохицуулах, сайжруулах боломжгүй байжээ: Тиймээс энэ журмыг баталснаар олон боломж нээгдээд байгаа аж.
Энэ журам гарснаар БНХАУ-тай хамтарч буй “Ногоон нуур” 1008 айлын орон сууцыг түрээслээд өмчлөх хэлбэрээр айлууд оруулах,, түрээслэх, түрээслээд өмчлөх, мөн газраа байраар солих боломж бүрджээ.
Түрээсийн орон сууцны үнийн тухайд орон нутагт 1 м.кв нь 4500 төгрөг, харин Улаанбаатар хотод 6000 төгрөг байсан. Өнөөдрийн зах зээлийн ханшаар тооцоход 50 м.кв байр хуучин стандартаар 300 мянган төгрөгийн үнэтэй байв. Үүнийг журам батлагдсантай холбогдуулан Улаанбаатар хотод хөдөлмөрийн хөлсний доод хэмжээг 1.5–2 хувиар тооцох, түрээсийн орон сууцны үнийг 1 м.кв тутамд 11000–15000 төгрөг байхаар зохицуулсан байна
Мөн УИХ-ын хаврын чуулганаар салбарын дөрвөн хуулийн төслийг дөрөвдүгээр сарын 15-н өргөн барихаар бэлдэж байгаа аж.
Сэтгэгдэл (1)