“Монгол эр хүн” үндэсний III чуулганы нээлтэд Ерөнхийлөгч У.Хүрэлсүх оролцоно

Монгол Улсын Ерөнхийлөгчийн ивээл дор зохион байгуулах “Монгол эр хүн” үндэсний III чуулган өнөөдөр 11.00 цагт Төрийн ордны Их танхимд эхэлнэ. Чуулганаар “Эх оронч монгол” үндэсний хөдөлгөөн, “Монгол эр хүний талаарх уламжлалт ойлголт, үнэ цэн”, “Монгол эр хүний есөн эрдмийн тухай Чингис хааны айлдвар”, “Эр хүний оролцоо-Аз жаргалтай гэр бүлийн үндэс”, “Монгол эр хүн-Улс орны тулах багана-Гэр бүлийн түшиг”, “Эрэгтэйчүүдийн эрүүл мэнд” зэрэг сэдвийг хэлэлцэнэ.

Эдгээр сэдвээр Батлан хамгаалахын дэд сайд Д.Баасандамба, хошууч генерал Х.Лхагвасүрэн, академич С.Нарангэрэл, Гавьяат жүжигчин Т.Ариунаа, Монгол Улсын аварга С.Мөнхбат нар илтгэл тавьж, хэлэлцүүлэг өрнүүлэх юм байна.