Ухаалаг такси үйлчилгээг Монголд анхлан нэвтрүүлэгч UBCab

Focus Media - Startup News анхны дугаартаа ухаалаг такси үйлчилгээг Монголд нэвтрүүлэн, хөгжүүлж байгаа Үндэсний компани UBCab-ыг онцолж байна.

ЮБИКАБ ХХК нь 2013 оноос эхлэн ухаалаг системд суурилсан 24 цагаар ажилладаг такси дуудлагын апплекейшныг хөгжүүлж, өнөөдрийн байдлаар 80.000 хэрэглэгчтэй, 1.600 орчим жолооч нарыг эгнээндээ нэгтгэж, Монгол улсын Татварын Ерөнхий газартай хамтран жолооч нарыг татвар төлөгчөөр бүртгүүлж, үйлчилгээнд и-баримт олгох, төлбөрийн бэлэн бус бүх шийдлийг нэвтрүүлэх интеграци хийсэн үндэсний компани юм.

UBCab компанийн хамтран үүсгэн байгуулагч, гүйцэтгэх захирал Н.Отгонбаяр: Бид UBCab EXPRESS - шуудангийн үйлчилгээ, UBCab EATS хоол хүргэлтийн үйлчилгээ, UBCab RENT гэх мэт олон шинэ үйлчилгээнүүдийг нэвтрүүлж, жолооч нараа орлоготой, хамт олонтой болгохоос гадна орон сууцжуулах ажлыг эхлүүлээд явж байна.

Онцлог давуу талууд: 

– Зөвхөн албан ёсны бүртгэлтэй такси болон жолооч танд үйлчилнэ 

– Таныг авахаар ирж байгаа жолоочын байршлыг газрын зураг дээр бодит цаг дээр харах 

– Баталгаат тоолуур 

– Taxi meter 

– Танд хамгийн ойрхон таксинд дуудлага түрүүлж ирэх систем 

– Монголын Үндэсний Дата Төв дээр суурилсан системийн тасалдалгүй ажиллагаа 

– Жолоочтой систем дээрээс шууд холбогдох боломж – Цахим хэлбэрээр (Бүртгүүлсэн и-Мэйл рүү) баримт илгээх автомат систем 

– Түгжрэл, хүлээлгийн ухаалаг тооцоолол – Санал гомдлын үнэлгээний систем

UBCab багийнхан Такси үйлчилгээний стандартыг өндөрт байлгах, шударга, соёлтой үйлчилгээг хэвшил болгохыг зорин ажиллаж системийн байнгын сайжруулалтыг хийн ажиллаж байна. Шинэчлэл болгон таны амьдралыг улам хялбар болгож Улаанбаатар хотдоо аюулгүй тайван зорчих нөхцлийг бүрдүүлнэ гэдэгт итгэлтэй байна.