Хууль зүйн цогц үйлчилгээ үзүүлэх монголын анхны ухаалаг платформ iLaw

Ай Ло Инновэйтив ХХК нь хуулийн технологи (LegalTech)-д сууриалсан монголын анхны хууль зүйн цогц үйлчилгээ үзүүлэх ухаалаг платформыг хэрэгжүүлэгч компани юм.

      iLaw-ы зорилго бол ухаалаг эрх зүйн үйлчлгээг иргэн бүрт хүргэх явдал юм. Зардал ихтэй, цаг зав, газар зүйн байршлаас ихээхэн шалтгаалдаг хууль зүйн цогц үйлчилгээг цахимаар компьютер, гар утас, таблет ашиглан хурдан шуурхай, хямдаар авах боломжыг бүрдүүлсэн.

   НУУЦЛАЛЫН БОДЛОГО

      Энэхүү Нууцлалын бодлогоор Хэрэглэгч манай iLaw платформыг (вэбсайт, гар утасны апп, үйлчилгээ) ашиглах үеэр бид түүнээс ямар мэдээлэл цуглуулдаг, мэдээллийг нь хэрхэн хадгалж, хамгаалах, ашиглах боломжтойг тодорхойлж, талуудын эрх, үүрэг, хариуцлагыг заасан. Иймд iLaw платформыг ашиглахын өмнө эсхүл ямар нэгэн мэдээлэл бидэнрүү илгээхээс өмнө та Нууцлалын бодлого болон Үйлчилгээний нөхцөлтэй сайтар танилцана уу. Нөхцөл тус бүрийг хүлээн зөвшөөрөхөөс татгалзсан тохиолдолд та iLaw платформыг ашиглахгүй байх ёстой.

БИД ТАНЫ ЯМАР МЭДЭЭЛЛИЙГ ЦУГЛУУЛАХ БОЛОМЖТОЙ ВЭ?

      1. Лог мэдээлэл

      Лог мэдээлэл гэдэгт Хэрэглэгчийг iLaw платформруу компьютер, гар утас, таблет зэрэг төхөөрөмжөөс хандах үед илэрдэг IP хаяг, үйлдлийн систем, интернэт хөтчийн мэдээлэл, платформруу орсон, гарсан он, сар, өдөр, цаг, минут, платформд байхдаа зарцуулсан цаг хугацаа орно.

      2. Күүки мэдээлэл (cookies)

      Күүки гэдэг нь Хэрэглэгчийг ямар нэгэн вэбсайтруу хандах үед компьютер, гар утас, таблет зэрэг төхөөрөмж дээр автоматаар үүсдэг, Хэрэглэгчийн үүсгэсэн мэдээллийг (нэвтрэх нэр, нууц үг г.м) хадгалдаг жижиг файл юм. Хэрэв та күүки мэдээлэл бидэнрүү илгээхийг хүсэхгүй байвал хэрэглэж буй интернэт хөтчийнхөө тохиргоог өөрчилнө үү. iLaw платформд Хэрэглэгчийн күүки мэдээлэл ирэхгүй байх тохиолдолд үйлчилгээ авах боломжгүй болох магадлалтай.

      Үйлчилгээний чанарыг сайжруулах зорилгоор Google Map, Google Ad, Google Analytics тэргүүтэй нэмэлт хэрэгслийг бид iLaw платформ дээр суулгаж болох ба Google гэх мэт гуравдагч этгээдийн цуглуулж буй күүки, күүкитэй холбоотой харилцаанд бид ямар нэгэн хариуцлага хүлээхгүй.

      3. Хувийн мэдээлэл

      Хэрэглэгчийг iLaw платформд бүртгүүлэх үеэс эхлэн бид зарим хувийн мэдээллийг цуглуулж, хадгална. Хувийн мэдээлэл гэдэгт тухайн Хэрэглэгч хэн болох тухай эсхүл хэн болохыг нь илтгэх нэмэлт бусад мэдээллүүд хамаарна. Үүнд: Овог, нэр, регистрийн дугаар, гэрийн хаяг, ажлын газрын хаяг, утасны дугаар, имэйл хаяг тус тус багтана. Хувийн бус мэдээлэлд: Хувийн мэдээллийг засаж өөрчилсөн буюу нууцалсан аливаа мэдээлэл, платформд бүртгэлтэй хуульчдын мэдээлэл, олон нийтэд нээлттэй харагдах талбарт Хэрэглэгчийн өөрийн нийтэлсэн аливаа мэдээллүүд багтана.

      Хувийн мэдээллийг бид дараах байдлаар цуглуулах боломжтой. Үүнд: Хэрэглэгч iLaw платформ дээр сайн дураар бүртгэл үүсгэсэн, үүсгэсэн бүртгэлийн мэдээллээ зассан тохиолдолд, iLaw платформоос үйлчилгээ авсан тохиолдолд, платформын үйлчилгээг эрхлэгч Ай Ло Инновэйтив ХХК-тай харилцаа холбоо тогтоосон тохиолдолд.

      Хэрэглэгчийн хувийн мэдээллийг бид чанарын өндөр түвшинд хамгаалж ажиллахыг зорино. Платформын үйл ажиллагааны доголдол, Ай Ло Инновэйтив ХХК-ийн ажилтны буруутай үйл ажиллагааны улмаас алдагдсан нууц мэдээлэл, түүний улмаас учирсан хохиролд Хэрэглэгч гомдол гаргах эрхтэй. Харин Хэрэглэгчийн буруугаас алдагдсан хувийн мэдээлэлд бид хариуцлага хүлээхгүй.

      Хэрэглэгч Хуульчтай видео дуудлага хийх, Баримт бичиг захиалан боловсруулуулах зэрэг зарим төлбөртэй үйлчилгээг авах тохиолдолд Хэрэглэгчийн хувийн мэдээллийг энэхүү Нууцлалын бодлогоос гадна Хуульч болон Үйлчлүүлэгч хоорондын Эрх зүйн туслалцаа үзүүлэх гэрээ, Нууцлалын гэрээгээр зохицуулна.

      4. Нийтэд ил мэдээлэл

      Платформын хөгжүүлэлтээс хамаарч үнэ төлбөргүй зарим үйлчилгээ буюу Хуульчаас асуух үйлчилгээгээр ирсэн иргэдийн асуулт, хариулт олон нийтэд нээлттэй харагдах боломжтой. Энд мөн таны iLaw платформ дээр үүсгэсэн Хэрэглэгчийн нэр, нүүр зураг, хуульчид өгсөн үнэлгээ, сэтгэгдэл гээд олон нийтэд ил харагдаж болох бүхий л мэдээллийг багтаана. Нийтэд ил мэдээллийг бид Хувийн мэдээлэлд оруулж тооцохгүй. Ийнхүү нийтлэгдсэн мэдээллүүд ил харагдахаас гадна, цааш түгээгдэх, интернэт хайлтын систем дээр илэрц болон гарч ирэх боломжтой гэдгийг анхаарна уу.

ЦУГЛУУЛСАН МЭДЭЭЛЛИЙГ БИД ХЭРХЭН АШИГЛАХ ВЭ?

      1. Хувийн бус мэдээллүүд

      Хувийн мэдээллээс бусад мэдээллийг бид үйлчилгээгээ сайжруулах, хэрэглэгчдийн талаар статистик үзүүлэлт гаргах, хэрэглэгчээс санал авах, мэдээлэл хүргэх зорилгоор ашиглана.

      2. Хувийн мэдээлэл

      Хэрэглэгчийн iLaw платформоос авдаг үйлчилгээг илүү амар хялбар болгох зорилгоор, захиалсан хүсэлтийг боловсруулах, биелүүлэх зорилгоор ашиглана. Мөн зарим тохиолдолд санал, тодруулга авах, мэдээлэл хүргэх зорилгоор ашиглана. Хэрэв Монгол улсын хуулиар тусгайлан эрх олгогдсон төрийн байгууллагын эрх бүхий албан тушаалтан хууль тогтоомжид заасан үндэслэл, журмын дагуу тухайн нэг Хэрэглэгчийн хувийн мэдээллийг шаардсан тохиолдолд хуваалцаж болно.

      Бид Хэрэглэгчийн хувийн мэдээллийг дээрхээс бусад тохиолдолд гуравдагч этгээдэд дамжуулахгүй.

ХУВИЙН МЭДЭЭЛЛЭЭ ЗАСАХ, ӨӨРЧЛӨХ, УСТГАХ

      Хэрэглэгч бүртгэл үүсгэхдээ оруулсан хувийн мэдээллээ засах, өөрчлөх, устгах боломжтой. Энэ тохиолдолд платформд нэвтэрч, дэлгэцийн баруун дээд буланд байрлах цэснээс Хувийн мэдээлэл цэсрүү орж, зохих өөрчлөлтийг хийх боломжтой. Хэрэв танд ойлгомжгүй зүйл, асуудал тулгарвал Ай Ло Инновэйтив ХХК-ийн 7000-0809 дугаарт ажлын өдөр, ажлын цагаар холбогдож тусламж авна уу.

      Бид энэхүү Нууцлалын бодлогыг засаж, сайжруулахдаа Хэрэглэгчдэд заавал мэдэгдэх үүрэггүйгээр түүнд нэмэлт, өөрчлөлт оруулах эрхтэй бөгөөд Нууцлалын бодлоготой цаг тухай бүрт танилцаж байх нь Хэрэглэгчийн үүрэг болно. Нэмэлт, өөрчлөлтийг үл хайхран iLaw платформыг ашиглах нь таныг энэхүү Нууцлалын бодлогыг урьдын адил хүлээн зөвшөөрсөнд тооцох үндэслэл болно.

   ҮЙЛЧИЛГЭЭНИЙ НӨХЦӨЛ

      ХЭРЭГЛЭГЧ ТА ILAW ПЛАТФОРМД ХАНДАЖ, ҮЙЛЧИЛГЭЭ АВАХААС ӨМНӨ ДАРААХ НӨХЦӨЛТЭЙ САЙТАР ТАНИЛЦАНА УУ.

      Хууль зүйн цогц үйлчилгээ үзүүлэгч ухаалаг платформ iLaw-д хандаж, түүнээс санал болгож буй үндсэн үйлчилгээг ашиглах, хэрэглэх тохиолдолд та энэхүү Үйлчилгээний нөхцөл болон холбогдох бусад нөхцөл, дүрэм, журмыг дагана.

Үйлчилгээний нөхцөлд дурдагдсан

“Хуульч” гэж Монголын Хуульчдын холбооны гишүүн, тусгай зөвшөөрөл бүхий мэргэжлийн этгээдийг (өмгөөлөгч, шүүгч, прокурор, болон бусад хуульч);

“Платформ”,“iLaw”,“Бид” гэж Ай Ло Инновэйтив ХХК-ийг;

“Үйлчилгээ” гэж iLaw платформоос хэрэглэгчдэд санал болгож буй бүх төрлийн үйлчилгээг;

“Баримт бичиг” гэж гэрээ, дүрэм, журам, тушаал, нэхэмжлэл, гомдол, хүсэлт, тайлбар зэрэг эрх зүйн үр дагаварыг үүсгэх, аливаа мэдээллийг дамжуулах, хадгалах зорилгоор тусгайлан бэлтгэсэн бичгийг тус тус ойлгоно.

      Бид Үйлчилгээний нөхцөлийг засаж, сайжруулахдаа Хэрэглэгчдэд заавал мэдэгдэх үүрэггүйгээр түүнд нэмэлт, өөрчлөлт оруулах эрхтэй бөгөөд Үйлчилгээний нөхцөлтэй цаг тухай бүрт танилцаж байх нь Хэрэглэгчийн үүрэг болно. Нэмэлт, өөрчлөлтийг үл хайхран iLaw платформыг ашиглах нь таныг энэхүү Үйлчилгээний нөхцөлийг урьдын адил хүлээн зөвшөөрсөнд тооцох үндэслэл болно. Хэрэв та Үйлчилгээний нөхцөлийг хүлээн зөвшөөрөхөөс татгалзсан тохиолдолд iLaw платформыг ашиглахгүй байх ёстой. Үйлчилгээний нөхцөлтэй холбоотой тодруулга байвал Ай Ло Инновэйтив ХХК-ийн 7000-0809 дугаарт ажлын өдөр, ажлын цагаар холбогдоно уу.

      ҮЙЛЧИЛГЭЭНИЙ НӨХЦӨЛИЙГ ХҮЛЭЭН ЗӨВШӨӨРСӨН ЯВДАЛ НЬ ТАНЫГ ЭРХ ЗҮЙН БҮРЭН ЧАДАМЖТАЙ, ӨӨРИЙН ҮЙЛДЛЭЭР ЭРХ ОЛЖ АВАХ, ҮҮРЭГ БИЙ БОЛГОХ ЧАДВАРТАЙ БУЮУ 18 НАСАНД ХҮРСЭН БОЛОХЫГ БАТАЛНА.

      iLaw платформ нь хуулийн технологи ашиглан иргэдэд эрх зүйн боловсрол олгох, түгээх, тэдэнд тулгардаг нийтлэг асуудлаар хууль зүйн зөвлөгөө, мэдээллийг текст, аудио, видео, зурган хэлбэрээр үнэ төлбөргүй өгөх, зарим тохиолдолд төлбөртэй өгөх, баримт бичиг боловсруулах, зуучлан худалдах зэрэг үйлчилгээг үзүүлэх бөгөөд Хэрэглэгчийн үнэ төлбөргүй хүлээн авч буй зөвлөгөө, мэдээлэл нь хууль зүйн албан ёсны зөвлөгөө биш байна. Бид платформд нээлттэй байрлах баримт бичиг, мэдээллийг хууль, дүрэм, журамд орсон нэмэлт өөрчлөлттэй холбогдуулан цаг тухай бүрт нь шинэчилж байхыг эрхэмлэнэ. Нээлттэй байрлах зөвлөгөө, мэдээлэл нь Хэрэглэгч тус бүрийн асуудлыг шийдвэрлэхэд чиглэгдээгүй бөгөөд хэрэв та өөрт тулгарсан асуудалд хууль зүйн албан ёсны зөвлөгөө, туслалцаа авахыг хүсвэл манай төлбөртэй үйлчилгээг (Баримт бичиг боловсруулуулах, Хуульчтай видео дуудлага хийх г.м) худалдан авахыг зөвлөж байна.

      Платформоос Хэрэглэгчид үзүүлэх төлбөртэй үйлчилгээг Монгол улсад хуульчийн мэргэжлийн үйл ажиллагаа эрхлэх тусгай зөвшөөрөлтэй, шүүхэд төлөөлөх эрхтэй, өмгөөлөгчийн хариуцлагын даатгалтай этгээд үзүүлэх бөгөөд төлбөртэй үйлчилгээ, түүнд хамаарах харилцаанд Хуульч болон Үйлчлүүлэгч хоорондын Эрх зүйн туслалцаа үзүүлэх гэрээ, Нууцлалын гэрээний эрх, үүрэг үүснэ. Ай Ло Инновэйтив ХХК болон хуульчийн мэргэжлийн үйл ажиллагаа эрхлэх тусгай зөвшөөрөлтэй этгээд, хуулийн этгээдийн хоорондын харилцааг Хамтын ажиллагааны гэрээгээр зохицуулна.

      Платформын үйл ажиллагаа интернэт орчинд 24 цагаар, жилийн 365 хоногийн турш нээлттэй байна. Та Зөвлөгөө мэдээлэл, Баримт бичиг худалдан авах, Баримт бичиг захиалан боловсруулуулах болон Баримт бичиг дамжуулан худалдах үйлчилгээг энэхүү хугацаанд хэрэглэх бүрэн боломжтой. Харин Хуульчаас асуух болон Хуульчтай видео дуудлага хийх үйлчилгээг зөвхөн ажлын өдрүүдэд, ажлын цагаар авах боломжтой. Хэрэглэгч нь Хуульчтай хийх видео дуудлагын үйлчилгээг ажлын бус цагаар эсхүл амралтын өдөр хийхээр цаг захиалж, баталгаажуулсан бол уг үйлчилгээг тэрхүү хугацаанд авч болно.

      Нууцлалын Бодлого. Бид iLaw платформд бүртгүүлсэн, түүнээс үйлчилгээ авсан Хэрэглэгчийн нууцыг өндөр түвшинд хадгалж, хамгаалах, платформын найдвартай байдал, тасралтгүй үйл ажиллагааг өндөр түвшинд хангаж ажиллах зорилтыг нэн тэргүүнд тавина.

      Хэрэглэгч платформд бүртгүүлэхдээ өөрийн утасны дугаар, имэйл хаяг, нэвтрэх нууц үгийг оруулна. Хэрэглэгч нэвтрэх нэр (утасны дугаар), нууц үгээ гуравдагч этгээдэд алдахгүй байх үүрэг хүлээх бөгөөд алдсан тохиолдолд Ай Ло Инновэйтив ХХК-д нэн даруй мэдэгдэх үүрэгтэй. Платформын үйл ажиллагааны доголдол, Лигал Сорс ХХК-ийн ажилтны буруутай үйл ажиллагааны улмаас алдагдсан нууц мэдээлэл, түүний улмаас учирсан хохиролд Хэрэглэгч гомдол гаргах эрхтэй байна.

      Платформын Баримт бичиг худалдан авах, Баримт бичиг боловсруулуулах үйлчилгээ нь Хэрэглэгчээс нэмэлт хувийн, нууц мэдээлэл шаарддаг, тэдгээр нь баримт бичигт тусгагддаг тул Хэрэглэгч худалдан авсан, боловсруулуулсан баримт бичгийг арилжааны бус зорилгоор, цааш нь дамжуулахгүй, түгээхгүй, зөвхөн өөрийн хэрэгцээнд зориулан ашиглана. Хэрэглэгчийн буруугаас учирсан хохирлыг Ай Ло Инновэйтив ХХК хариуцахгүй. Платформын төлбөртэй үйлчилгээнд хамаарах Хэрэглэгчийн хувийн мэдээллийг хадгалах, хамгаалах, ашиглахтай холбогдсон харилцааг тусгайлсан журмаар зохицуулна.

      Зохиогчийн эрх, оюуны өмч. iLaw платформ нь Ай Ло Инновэйтив ХХК-ийн зохиогчийн эрхээр хамгаалагдсан бүтээл бөгөөд үйл ажиллагааг нь Лигал Сорс ХХК эрхлэн явуулдаг. Платформын лого, код, түүнд байрлах текст, аудио, видео, зурган хэлбэртэй зөвлөгөө, мэдээлэл, баримт бичгийн загвар нь Лигал Сорс ХХК болон бидэнтэй Хамтын ажиллагааны гэрээтэй гуравдагч этгээдийн өмч байна. Иймд платформд байрлах мэдээллийг бүтнээр болон хэсэгчлэн хуулах, нэмэлт өөрчлөлт оруулах болон оруулахгүйгээр өөр эх сурвалжийн нэрээр бидний зөвшөөрөлгүйгээр дахин нийтлэхийг хориглоно. Платформоор дамжуулан баримт бичиг захиалах, худалдан авсан нь Хэрэглэгч түүнийг зөвхөн хувийн хэрэгцээндээ ашиглах бөгөөд Лигал Сорс ХХК-ийн зөвшөөрөлгүйгээр тэрхүү баримт бичигт нэмэлт, өөрчлөлт оруулахгүй, нийтэд түгээх замаар ашгийн зорилгоор дахин ашиглахгүй болохын баталгаа болно.

      Үйлчилгээний төлбөр, төлбөрийн нөхцөл. Хэрэглэгч платформд бүртгүүлэхдээ ямар нэгэн төлбөр төлөхгүй. Хэрэглэгч нь хууль зүйн анхан шатны зөвлөгөө, мэдээллийг платформын Хуульчаас асуух цэснээс үнэ төлбөргүй авч болно. Платформын Баримт бичиг худалдан авах, Хуульчтай видео дуудлага хийх зэрэг үйлчилгээг авах тохиолдолд Хэрэглэгч нь тогтоосон төлбөрийг төлнө. Харин Баримт бичиг боловсруулуулах, Баримт бичиг дамжуулан худалдах тохиолдолд платформоос санал болгож буй үнийн дүнгээс сонголт хийх боломжтой бөгөөд үүнийг тусгай журмаар зохицуулна.

      Маргаан шийдвэрлэх. iLaw платформын үйл ажиллагаанаас үүссэн Хэрэглэгч болон Ай Ло Инновэйтив ХХК-ийн хоорондын аливаа маргааныг талууд эвийн журмаар шийдвэрлэхийг эрхэмлэнэ. Хэрэглэгчийн санал, хүсэлт, шүүмж, гомдолыг бид ажлын өдөр, ажлын цагаар 7000-0809 утас болон info@ilaw.mn хаягаар хүлээн авна. Хэрэв талууд маргааныг эвийн журмаар шийдвэрлэх боломжгүй гэж үзсэн бол Монгол улсын хууль тогтоомжийн дагуу үүсгэн байгуулагдсан шүүх байгууллагаар шийдвэрлүүлнэ.

ХУУЛЬ ЗҮЙН ЦОГЦ ҮЙЛЧИЛГЭЭ ҮЗҮҮЛЭГЧ УХААЛАГ ПЛАТФОРМ iLAW НЬ МЭДЭЭЛЛИЙГ ТЕКСТ, АУДИО, ВИДЕО, ЗУРГАН ХЭЛБЭРЭЭР ЦАХИМ ОРЧИНД БАЙРШУУЛЖ, ХЭРЭГЛЭГЧИД ХҮРГЭХ БА ХЭРЭГЛЭГЧ ИНТЕРНЭТ ОРЧИНД БАЙХДАА ӨӨРИЙН ХУВИЙН МЭДЭЭЛЛИЙГ БУСДАД АЛДАХ, ВИРУС, ХОРТОЙ КОД БҮХИЙ ФАЙЛ ТАТАХ, ВИРУСНЫ ПРОГРАМ СУУЛГААГҮЙГЭЭС КОМПЬЮТЕР, БУСАД ХЭРЭГСЭЛ НЬ ГЭМТЭХ, ТҮГЖИГДЭХ ЗЭРГЭЭС ҮҮДЭЛТЭЙ ХОХИРЛЫН ХАРИУЦЛАГЫГ ЗӨВХӨН ӨӨРӨӨ ХҮЛЭЭНЭ.

Аппликэйшн татах:

Андройд Play store: татаж авах

IOS App store: татаж авах