Өчигдөр буюу 2026 оны 02 дугаар сарын 10-ны өдрийн 16:00 цагийн орчимд Өмнөговь аймгийн Цогтцэций сум-ын төвөөс 2.5 км зайд төв зам дагуу СПЕЙШЛ МАЙНИНГ СЕРВИС ХХК-ийн тэсрэх материал тээвэрлэж явсан автомашин зам тээврийн осол гаргажээ.
Ослын улмаас их хэмжээний химийн бодис байгаль орчинд асгарсан бөгөөд уг ослын талаар сумын Цагдаагийн хэлтэс болон Онцгой байдлын байгууллагад албан ёсоор нэн даруй мэдэгдээгүй, нуун дарагдуулжээ.
Химийн бодис асгарсан тохиолдолд тухайн газрыг яаралтай хамгаалалтад авч, аюулгүй байдлыг ханган, Химийн хорт болон аюултай бодисын тухай хууль болон холбогдох журмын дагуу орон нутгийн болон улсын Онцгой байдлын байгууллагад даруй мэдэгдэх үүрэгтэй байдаг.
Гэвч тус компани ослын талаар сумын Онцгой байдал болон Цагдаагийн хэлтэс юу ч мэдээллээгүй нуун дарагдуулж хүн амын амь нас эрүүл мэндэд заналхийлж байна.
Удаа дараагийн осол, зөрчил гаргасаар байгаа энэ компанийн ажлыг хэрхэн сайжруулах, хариуцлагатай үйл ажиллагаа явуулдаг болгох вэ?
