УИХ дахь АН-ынхан эдийн засгийн татварын өршөөл үзүүлэх хуулийг санаачилах зэрэг асуудлаар мэдээлэл хийж байна.
1. Татварын ерөнхий газрын мэдээлэлтэй холбоотойгоор 320 мянган иргэн аж ахуй нэгжийн 6,5 их наядын татварын өр, хүү, алданги хуримтлагдсан байна. Өнгөрсөн жил 3,5 их наяд байсан бол жилийн дотор 6,5 их наяд болж хуримтлагджээ. Өнгөрсөн жил 50 мянган ААН өртэй байсан бол энэ жил 70 мянга болж нэмэгдсэн, 220 мянган иргэн ямар нэг байдлаар татварын өртэй байна. Энэ бүхэн бизнесийн орчин яаж муудсан татвар төлөлт яаж муудаж байгааг дүгнэж хэлэх байх. Үүний цаана төсвийн бүрдүүлэлт, төрийн дарамт, авилгал, иргэдийн олж байгаа орлого зэрэг олон олон асуудал дээр гарч ирнэ. АН төрийн дарамтыг бууруулах үзэл баримтлалтай улс төрийн хүчин. Энэ хүрээнд эдийн засаг, татварын өршөөлийн асуудлыг ярих цаг болсон гэж үздэг. Олон улсад 10 жилийн давтамжтайгаар энэ асуудлыг эргэж хардаг практик байдаг. Тийм учраас Монгол Улс энэ асуудлыг эргэн харах цаг болсон гэж хуулийн төсөл бэлдэж байна.
ЖДҮ болон ААН-үүдэд түлхүү анхаарна. 100 хувь төсөн компаниуд сэтгэл дундуур үлддэг учраас тодорхой хувь хэмжээтэй байх нь зүйтэй гэж үзэж байна.
Хоёрдугаарт, Тамхины хяналтын хуулийн тухайд одоогоор нэг хайрцаг янжуурт 800 төгрөгийн онцгой албан татвар нэмэгддэг юм байна. Энэ нь ойролцоогоор үе шаттайгаар 2030 он хүртэл 10 мянган төгрөг хүрэх нь. Ирэх жилээс аажмаар нэмэгдсээр нэг хайрцаг янжуур 10-15 мянган төгрөг болох нь ээ.
Үүний цаана "хуурай хууль" бусад төрлийн мансууруулах хэрэглээг нэмэгдүүлэх вий гэсэн болгомжлол АН-ын бүлэг дээр яригдлаа.
