Шинэ даргаа сонгосон МАН-ынханд УИХ дахь АН-ын бүлэг бас нэг гацаа үүсгэж мэдэх бэлэг барих гэж байна. Тэд Парламент дахь хүчтэй сөрөг хүчний хувьд эрх баригч намын даргаар УИХ-ыг удирдуулахгүй гэдэг хуулийн төсөл санаачилахаар болжээ. Ингэснээр Г.Занданшатарын Засгийн газрыг тогтвортой ажиллуулна хэмээн амлалт өгч "Намын дарга Ерөнхий сайд байна" гэсэн МАН-ын дүрмийн заалтаас өөрөө сайн дураараа татгалзаж, УИХ-ын дарга болох тохироо хийсэн. Гэвч түүнийг намын тамганаас өөр хүчгүй "шүдгүй арслан" болгох нь ээ.
АН-ынхны Н.Учралд барьсан энэхүү бэлгийг УИХ дахь бусад гурван нам, эвсэл буюу ХҮН, Үндэсний эсвэл, ИЗНН-ын гишүүд дэмжих нь тодорхой бөгөөд МАН-ын нөгөө нэг хэсэг нь дэмжсэнээр УИХ-д олонхийн санал авах нь тодорхой юм.
Гэнэтийн гэж болох энэ улс төрийн нөхцөл байдал Н.Учралыг хэлснээсээ татгалзаж өөрөө Ерөнхий сайд болох эсвэл УИХ дахь МАН-ынхнаа базаж чадвал АН-ын хуулийн төслийг унагах 2 зам үлдээд байна.
Сэтгэгдэл (1)