УИХ-ын гишүүн Н.Алтанхуяг чуулганы үеэр агаарын бохирдлыг бууруулахад хагас коксоос өөр шийдэл байхгүй гэдгийг хэлэв.
Тэрбээр “Утааны асуудлыг шийдэхэд урт хугацаанд орон сууцжуулах, ойрын хугацаанд хагас коксоор хангана гэж маш ойлгомжтой томьёологдсон. Улаанбаатарчууд бид утаанаас салах боломж байсан. 2010.07.09-ний өдөр дулааны II станцыг түшиглэж, 210.000 тонн хагас коксон түлш үйлдвэрлэх цогцолбор байгуулах гэрээг “Амор интернэйшнл” компанитай байгуулсан. Гэрээний дагуу тус үйлдвэрийг 2012.09.30-нд ашиглалтад оруулах байсан. Гэвч өнөөдрийг хүртэл ашиглалтад ороогүй байна. Үүнийг УИХ-ын гишүүд анхаарах ёстой. Утааг бууруулахад хагас коксоор өөр шийдэл бидэнд байхгүй” гэжээ.
