Эрүүл мэндийн сайд Ж.Чинбүрэн: "Эмч, сувилагч нарт дарамт шахалт үзүүлсэн юм бол байхгүй ээ. Нөгөө талаасаа хууль журамтай, хууль журамдаа юу гэж дурдав гэхээр яаралтай тусламж, хүний амь настай тэмцэж байгаа үйл ажиллагаа явуулж байгаа эмнэлгийн байгууллага болон ажилчид шууд ажил хаяж болохгүй ээ. Хэрвээ ажил хаяхдаа хүрвэл заавал хууль журмынхаа дагуу салбарын эрүүл мэндийн ажилчдын үйлдвэрчний эвлэлийн гишүүдийн 50%-аас нь дэмжсэн тохиолдолд ажил хаяхыг зөвшөөрнө. Гэхдээ тэр ажил хаялт нь амбултор болон өрх, сум. Шууд хүний амь настай холбоотой эрчимт эмчилгээнд ажиллаж байгаа болон хагалгаа хийж байгаа эмч нар орохгүйгээр ажил хаяж болно гээд үйлдвэрчний эвлэл болон хөдөлмөрийн хуульдаа заачихсан байгаа. Тийм л асуудал байгаа болохоос биш тэрэнд бол дарамт үзүүлсэн зүйл бол байхгүй ээ. 2027 онд эрүүл мэндийн салбарын ажилчдын цалинг 3.5 саяд хүргэх боломж бүрэн байна" гэв
