Хувьдаа ямар нэгэн бизнестэй тохиолдолд УИХ-ын гишүүн тухайн салбартай холбоотой асуудалд оролцолдохоос татгалзах ёс зүйтэй байх ёстой. Гэтэл өнөөдөр хууль тогтоох дээд байгууллагад энэ зарчим алдагджээ. С1 гэх хувийн ТВ-тэйг нь Монгол даяар мэддэг Халтмаагийн Баттулга гишүүн Хэвлэлийн эрх чөлөөний тухай хуулийг шинэчлэх ажлын хэсэгт орж ажиллаж байгаа нь ашиг сонирхлын зөрчил үүсгэхгүй юу УИХ-ын дарга аа. С1-ийн эзэн байхдаа ард түмний тархийг хэвлэлээр хэрхэн угааж болдгийг төмөр замаар танк орж ирнэ хэмээн талцуулж байсан хүн шүү дээ. Засгийн газрын гишүүн сайд нарын томилгоонд ч ашиг сонирхлын зөрчлийн хууль үйлчлэхээ больсон юм уу Ерөнхий. сайд аа.
Тэр нэгэн жил Эрүүл мэндийн сайдад Ж.Цолмонг нэр дэвшүүлж байхад АТГ хувийн эмнэлэгтэй. тул ашиг сонирхлын зөрчилтэй хэмээн томилуулаагүйг ард түмэн мартаагүй. Энэ хууль хэнд нь үйлчлээд хэнд нь үйлчилдэггүй юм бол. Дуулиан эзэн багш нарын эрлэг Боловсролын сайд Наранбаяр ч ашиг сонирхлын зөрчилтэй. Шинэ монгол сургуулиар овоглодог түүнийг энэ сургуультай холбоотой гэж ойлгодог. Гэтэл өнөөдөр сайд болж сургууль, багш нарыг бухимдуулж байгааг ашиг сонирхол гэхээс өөрөөр юу гэж ойлгох вэ?
