Бензин шатахуун хомсдсон, багш, эмч нарын ажил хаялттай зэрэгцээд МАН-ын Удирдах зөвлөл өнөөдөр хуралдсан нь олон нийтийн анхаарлыг татаж байлаа. Харамсалтай нь ийм цаг үед эрх баригч намын Удирдах зөвлөл хуралдсан ч улс орны асуудлаас илүүтэй өөрсдийнхөө гараар өөрсдөө булшилж буй намынхаа эв нэгдлийг хамгаалах талаар ярилцжээ.
Намын даргын ялалт ялагдал, эрх мэдлийн зодоон нь өнөөдөр УИХ Засгийн газар, Ерөнхийлөгчийн институт хоорондын талцал болж, ялалтын маршлаа дарж авахын тулд хууль хүчний байгууллагуудыг оролцуулж буй нь нэгэнт ил болсон.
ХЗДХ-ийн сайдыг томилмогц ЦЕГ-ын даргыг огцруулж, маргааш нь УЕП-ын газраас яллагдагчаар татсаныг зарлуулсан нь улс төрийн захиалга гэж шууд ойлгогдож буй
Үүнтэй зэрэгцээд “Д.Амарбаясгаланг яллагдагч болсон тул намын даргын сонгуульд өрсөлдөх боломжгүй”, “Д.Амарбаясгаланг МАН-ын гишүүнээс түтгэлзүүллээ”, “Админерал” компанийн оруулж ирсэн хятадуудыг хөөж гаргалаа” зэрэг мэдээллийг захиалгат хэвлэлүүдээрээ тараалгасан нь Удирдах зөвлөлийн шийдвэрт нөлөөлөх зорилготой “хөрс” бэлдэлт байсан нь тодорхой.
Харин Удирдах зөвлөлийн өргөтгөсөн хуралдаанд тулхтай, зангарагтай экс дарга, лидерүүдээ оролцуулснаар энэ бүх хүч түрэлтийг нь таслан зогсоосон бололтой.
Ерөнхий сайд бөгөөд эрх баригч намын тамгыг хослон барихаар улайрсан Занданшатарын улайрал өнөөдөр МАН-ын зодооныг төрийн зодоон болгосон. Одоо Ерөнхий сайд болсон ч намын эрх мэдлийн төлөөх улайрал нь Бага хурлаар сонгогдож тамгаа хүлээн авсан Д.Амарбаясгаланг намаас нь түтгэлзүүлэхээр дайрч буй .
АН-ын дүрмээр бол Д.Амарбаясгалан ч бай хэн ч байсан намын гишүүнээс нь түдгэлзүүлэх асуудлыг зөвхөн Хяналтын Ерөнхий хороо шийддэг Б.Энхбаярыг гэхэд л МАН-ын гишүүнээс түдгэлзүүлэх асуудлыг Хяналтын Ерөнхий хороо хэлэлцэж, шийдвэр гаргасан бөгөөд уг шийдвэрт МАН-ын Ерөнхий нарийн бичгийн дарга ч нөлөөлөх эрхгүй байдаг билээ.
МАН-ын дарга Д.Амарбаясгалангийн хувьд намын даргын сонгуулиас хойш түүний талаарх илт худал мэдээллийг хэвлэл мэдээлэл, цахим хуудсуудаар тасралтгүй цацаж, дараа нь яллагдагчаар татаад байгаа нь үнэн. Өөрөөр хэлбэл хэвлэл мэдээлэл, сошиалаар хүнийг яллаж, дараа нь хууль шүүхийн байгууллагад дууддаг жишгийг шинээр томилогдсон ХЗДХ-ийн сайд Б.Энхбаяр ажлаа авсан шөнөдөө Д.Амарбаясгалан дээр туршсан.
Түүний гол зорилго зөвхөн Д.Амарбаясгаланг унагах, яллах болохоос биш хууль зүйн салбарын асуудал огтоос хамаагүй мэт байгаа нь үнэн билээ. Үүнийг МАН-ын шударга зарчимтай гишүүд төдийгүй Монгол даяараа мэдэж, таньж эхэлсэн.
Арай гэж битүүлээд байсан шинэ хонгилыг ухаж байгаа Б.Энхбаяр нарынхан Д.Амарбаясгаланг дарахын тулд “нүдээ ухахаас” ч буцахгүй болсон нь өнгөрсөн хугацаан дахь үйлд явдлууд батлан харуулав.
Хууль хяналтын байгууллагад хүртэл нөлөөлж, прокурорын байгууллага руу өөрсдийн хэвлэлүүдээ явуулж “Д.Амарбаясгалан яллагдагчаар татагдсан” гэх үг хэлүүлэх гэж хэдэн сар зүтгэсэн, хэлүүлсэн. Гэвч Д.Амарбаясгаланд одоо болтол шүүхийн захирамж гарт нь ирээгүйг өмгөөлөгч нар нь хэлж байна. Өөрөөр хэлбэл яллагдагчаар татагдсаныг өөрт нь албан ёсооор мэдэгдэгдээгүй байна.
Уг нь тэр бичгийг гардаж авснаар 30 хоног тоологдож эхэлнэ. Энэ 30 хоногт Д.Амарбаясгалан түдгэлзэх хүсэлтээ өгдөг дүрэмтэй. Энэ хүсэлтийг нь Хяналтын Ерөнхий хороо шийдвэрлэдэг болохоос Г.Занданшатарын хэвлэлүүдээр намаас гарах эсэхийг МАН шийдүүлэхдээ тулаагүйг өнөөдрийн Удирдах зөвлөлийн хурал харууллаа
Сэтгэгдэл (1)