Хөвсгөл аймгийн Тариаланд суманд сураггүй алга болсон хүүгийн ар гэрийн зүгээс эрэн хайх ажиллагааг зогсоох хүсэлтийг бичгээр өгсөн. Тэд холын албан хаагчид болон иргэдийг буцаах хүсэлт тавьж холын иргэд, албаны хүмүүсийг буцаажээ.
Эрлийн газар Хөвсгөл аймгийн Онцгой байдлын газар, Тариалан сумын ЗДТГ болон ар гэр, сайн дурын иргэд өнөөдрийн эрлийг "Сайхан мод” гэдэг газраас баруун урд зүгт 5 км-т явганаар, мөн зүүн хойд зүгт 500 метр зайд явганаар хийсэн боловч тодорхой үр дүнд хүрээгүй, үзэгдэх орчин хязгаарлагдмал болсон тул эрлийг түр зогсоосон байна.
