Бүлэглэн хүн зодож ноцтой гэмтэл учруулсан гэх Ц.Баатарсайханы хүү Б.Амарсайхан нь "Говь" ХК-ийнх нь Гүйцэтгэх захирлаар ажилладаг юм байна. Цахим орчинд төдийгүй Монгол даяар шуугиан тарвьж жирийн иргэдийн бухимдлыг дээд цэгт нь хүргэсэн энэхүү ноцтой зодоонд Таванбогдын эзэн, Монгол Улсын Хөдөлмөрийн баатар Ц.Баатарсайхан хүүгээс гадна УИХ-ын гишүүн Цэрэнпунцаг, Эрэлийн Эрдэнэбатын хүү нар холбогдсон. Баян, мөнгөтэй айлын хүүхдүүд гэхээр хүн зодож, мөнгөөр бүхнийг шийдэж болдог гэсэн ойлголтыг үнэн эсэхийг энэ хэрэг батлана гэсэн хүлээлт иргэдэд байгаа юм.
ХААН банк, "Говь", Таванбогд групп гээд Монголын бизнесийн зах зээлийг атгадаг Ц.Баатарсайхан тэрбум орчим долларын хөрөнгөтэйгөөрөө Монголын тэргүүн баячуудын жагсаалтын эхний аравт бичигддэг. Гэтэл хөрөнгөөрөө тэргүүлдэг дээрх гэр бүлүүд нийлээд хохирогчид 450 сая төгрөг өгөхөөр тохиролцоо хийхийг оролдож буй талаар цахим орчинд мэдээлэл тараад буй . Үнэн бол ХААН банкинд данстай, карт эзэмшдэг хүн бүрийн гүйлгээ бүрээс 100 төгрөгийн шимтгэл авдаг, Монголын малчдын зээлийн хүү нь тоймоо алдсан энэ эрхэмд 450 сая төгрөг гэдэг хагас өдрийн орлого. Гэтэл бүхэл бүтэн хүний эрүүл мэнд тэртусмаа дөнгөж 20 гарч яваа хүний сайхан үрийн эрүүл мэнд гоо сайхныг ноцтой гэмтээж нүүрийг нь "тэгшилж" нүдний ухархааг нь үйрүүлчихээд мөнгө өгөөд сална гэж байх ёсгүй.
Мөнгө ашгаас өөр юу ч бодохоо больсон, мөнгөнд умбаж өсгөсөн хүүхдүүдээ ч хүмүүжүүлж чадахгүй болтлоо Монголын баячууд балай болжээ
Сэтгэгдэл (0)
Сэтгэгдэл бичигдээгүй байна