Иргэдээс авсан санал асуулгын дагуу наймдугаар сарын 25-ны өдрөөс есдүгээр сарын 14-ний өдрийг дуустал тэгш, сондгой дугаарын хязгаарлалт Улаанбаатар хотын хэмжээнд үйлчлэхээр болсон. Жилийн жилд хичээлийн шинэ жил эхлэх хөл хөдөлгөөнтэй зэрэгцэн дээрх шийдвэрийг хэрэгжүүлдэг. Тэгвэл энэ удаад дугаарын хязгаарлалтыг есдүгээр сарын 14-нөөс хойш ч гэсэн сунгах хүсэлтэй байгаагаа дээрх санал асуулгад оролцсон жолооч нар бөглөжээ. Тэгш, сондгой дугаарын хязгаарлалтыг хугацаагүй сунгах нь иргэд, жолооч нар авто зам дээр түгжрэхгүй байхад хэрэгтэй гэж тэд үзжээ.
