Soulmate мөн гэдгийг бодит амьдрал дээр хэрхэн мэдэх вэ /Бодит туршлага цуврал 1/

Бид хайртай, дурласан хэн нэгнээ өөрийнхөө Soulmate буюу заяаны хань гэдгээ тэр бүр мэддэггүй. Тэгвэл бид та бүхнийг интернетээс шинжлэх ухаан, эсвэл сэтгэлзүйчдийн зөвлөгөө,  хийсвэр судалгааг харж суухын оронд энэхүү мэдээлэлд анхаарлаа хандуулаарай гэж хүсэж байна. Хосууд амьдралынхаа туршид тохиолдсон бодит туршлага дээр тулгуурлан ямар мэдрэмж, нөхцөл байдал, үйл явдлаар нэгнээ заяаны хань гэдгээ бататгаж мэдсэн талаараа хуваалцсан баримтыг бид залуу хосууддаа цувралаар хүргэж байна.

1.Түүний дэргэд байхад амар тайван байдаг. Харилцааны эхэн үед ч тэр.

“Ренди бид хоёр интернетээр танилцаж, харилцсаар уулзахаар болсон юм. Танихгүй хүнтэй уулзана гэхээр сандарч байсан ч анх харахад л танил хүн шиг санагдаж, амар амгалан оршихуйд нь яваад орчихсон. Над руу цоо ширтдэг тэр залуугийн дэргэд байхад бодолд минь  эрвээхий нисэх биш, харин дутуу хэсгээ олсон юм шиг л мэдрэмж төрдөг.” - Эшли Дарем

2.Та хоёр ялгаатай ч нэгнээ тэнцвэржүүлж чадна.

“Эхнэр бид хоёрын ялгаатай талууд намайг тэнцвэржүүлж байгааг хараад би түүнийг миний заяаны хань гэж мэдсэн. Энэ тэнцвэртэй байдал намайг илүү дээр хүн болгосон юм даа.” - Ренита Фрийни

3. Сэтгэлийнхээ гүнд заяаны хань тань мөн гэдгийг мэдрэх болно.

“Би заяаны ханьтайгаа учрахдаа ийм зүйл байдаг ч гэж мэддэггүй байлаа. Ер нь бол үлгэрт л аз жаргалтай төгсгөл байдаг биз дээ? Түүнтэйгээ учраад 10 гаруй жил өнгөрлөө, энэ хугацаанд салж, нийлсэн. Хэд дэх болзоонд билээ дээ намайг үнэсэхэд нь л надад маш дотно санагдаж, “Энэ залуу яг мөн байна” гэж мэдэрсэн юм. Би түүний бие, царай төрх биш, оршихуйд нь л дурлачих шиг болсон” - Кристи Жейкобс

 4. Та хоёрын үнэ цэнэ адилхан байдаг.

“Бидний амьдралыг харах өнцөг, ёс суртахуун, амьдралын хэв маяг сайхан зохицдог. Зурагт үзэж суугаад би хүн мууллаа гэхэд тэр санаа нийлдэг л гэсэн үг. Үүнээс гадна бид нэг нэгэндээ хязгааргүй их хайртай. Хоёр долоо хоног болзоод л гүн дурлаж, хамтдаа маш их цаг өнгөрөөж, үүнээсээ гайхалтай мэдрэмж авдаг” - Аманда Олеандр

5. Түүнийг хамгийн муу муухайгаар нь харсан ч хайрласан хэвээр байна.

“Би хичээлдээ бүдэрч, сурах хүсэлгүй, байрны түрээсээ ч төлөр чадваргүй байлаа. Бид хамт байр түрээсэлдэг оюутнууд байсан юм. Амьдралын маань ийм уналттай үед тэр надаас зугтаахын оронд ойлгож, сэтгэлийн дэм өгсөн. Тэгэхэд л би заяаны хань минь мөн юм байна гэж мэдсэн.” - Оливиа Фразер