Эх орноо батлан хамгаалах эр цэргийн үүргээ биелүүлж, "Оюутан цэрэг" арга хэмжээнд хамрагдан хаасан 2000 гаруй залуус өнөөдөр тангараг өргөлөө.
Батлан хамгаалах яам, ЗХЖШ, Үндэсний батлан хамгаалах их сургууль болон "Оюутан цэрэг" сургалтыг хариуцан зохион байгуулдаг Зэвсэгт хүчний нэгтгэлүүд хамтран 2025 онд Засгийн газраас шинэчилсэн журмын дагуу 2 сарын хугацаанд залууст цэргийн эрдэм, бие бялдрын сургалтыг явуулж, эх оронч иргэдийг амжилттай бэлтгэж дууслаа. Өмнө нь зөвхөн 1 дүгээр курсийн оюутнууд хамрагдах боломжтой байсан бол энэ жилээс эхлэн 2, 3 дугаар курсийн оюутнууд хамрагдаж байна. Анх уг хөтөлбөрт 3000 гаруй оюутан бүртгүүлсэн бол өнөөдөр ийнхүү 2000 оюутан сургалтын хөтөлбөрөө амжилттай дуусгаж байна.
"Оюутан цэрэг" хөтөлбөр нь сургалтын шахуу төлөвлөгөөний дагуу явагддаг учраас залуусаас тэсвэр тэвчээр шаарддаг. Эх оронч үзэл, бахархлын үнэ цэнийг таньж мэдсэн залууст илүү их амжилтыг хүсэн ерөөе.
