Ерөнхийлөгчийн фракц хотын даргад Я.Содбаатарыг зүтгүүлж, ерөнхий нарийн бичгийн даргаа Б.Пүрэвдагвад өгөхөөр “зургаа” зуржээ.
Саяхан болж өнгөрсөн Өндөр гэгээний мэлмий гийсний их ойн даншгаар Өвөрхангайд ийм уулзалтуудыг Ерөнхий сайд Г.Занданшатар, ерөнхий нарийн бичгийн дарга Я.Содбаатар нар хийсэн байна. Үүнд эгдүүцсан нийслэлийн МАН-ын хороо, нийслэлийн Засаг дарга Х.Нямбаатар наадмыг дуусгалгүй Улаанбаатар руу яаран буцжээ.
Өвөлжилтийн бэлтгэл хангагдаагүй, эдийн засгийн уналттай энэ үед МАН-ын дотор хотын даргын сунгаа эхэлсэн байна.
Улс төрийн тогтворгүй байдал нь Монголын өрсөлдөх чадвар төдийгүй бидний амьдралд сөргөөр нөлөөлдөг. Цаашлаад одоо хэрэгжиж байгаа томоохон төслүүд зогсох, 10-20 жил гацсан төслүүд дахиад хэдэн жил ч зогсонги байдалд байхыг таашгүй. Эдийн засгийн уналттай энэ үед том төслүүд хөдөлж байж эдийн засаг эргэлтэд ордог. Үүнийг МАН-ынхан ч мэддэг. Гэтэл энэ үед улс төрийн тогтворгүй байдлыг хүсэж байгаа нь хэнд ашигтай вэ?
