УИХ-ын гишүүн Ч.Лодойсамбуу: "Өнөөдөр Монголчуудын хүлээлтэд байгаа шийдвэрүүд батлагдаагүй нэг жил өнгөрч байна. АН-ын бүлгийн 42 гишүүд НДШ-ийг бууруулах хуулийн төсөл өргөн барьсан. Энэ хуулийн төслийг хэлэлцэж байхад завсарлага аваад зогсоосон. Шалтгаан нь Засгийн газар НДШ-тэй холбоотой нийгмийн даатгалын ерөнхий багц хуулийн төсөл өргөн барих гэж байгаа гэдэг шалтгаанаар зогсоосон. Тэгсэн хэр нь Засгийн газар энэ хуулиа УИХ-д оруулалгүй өнжөөсөн. Өөрөөр хэлбэл АН-ын бүлэг санаачилгаараа өрхийн амьжиргаагаа дээшлүүлье гэдэг санаачилга гаргаад явахаар байж байгаарай Засгийн газар хийх гэж байна гэдэг. Тэгээд Засгийн газар юу хийх юм бэ гэхээр буцаагаад татчихдаг. Ингээд бүтэн нэг жилийн хугацаанд НДШ-тэй холбоотой иргэд олон нийтийн хүлээлт байхгүй боллоо.
Мөн иргэд татвар буурах юм уу гэдгийг хүлээж байгаа. Д.Пүрэвдорж тэргүүтэй гишүүд нийлээд НӨАТ-ыг таван хувь бууруулах хуулийн төсөл өргөн барьсан бас Засгийн газраас зогсоосон. Шалтгаан мөн л Засгийн газар НДШ-тэй холбоотой нийгмийн даатгалын ерөнхий багц хуулийн төсөл өргөн барих гэж байгаа гэсэн одоо болтол байхгүй. Өөрөөр хэлбэл олонхын бүлэг ойлголцож чадахгүй асуудлаасаа болоод АН-ын санаачилсан иргэд олон нийтийн хүлээж байгаа. Гол хуулийн төслүүдийг зогсоосон шүү" гэв.
