АТГ-т хэдэн жил шалгагдаж, шалгагдаж байх хугацаандаа "Тавантолгой түлш" компанийн захирлаар томилогдон ажиллаж байсан Ц.Даваацэрэнд холбогдох хэргийг сая нэг дуусч шүүхэд шилжүүлжээ. Тэрбээр "Тавантолгой түлш" компанийн захирлаар ажиллаж байх үед үйлдвэрлэсэн сайжруулсан түлшнээс нь үмхий үнэр үнэртэж, Зүүн бүсийн шахмад түлшний үйлдвэр нь стандарт бус түлш үйлдвэрлэж нийслэлчүүдийг угаараар хордуулж байна гэх хэл аманд орж байсан юм.
Ц.Даваацэрэнгийн “Эрдэнэт үйлдвэр” ХХК-ийн Ерөнхий захирлаар хэсэгхугацаанд ажиллахдаа холбогдсон хэргийг нь эргэн сануулбал,
- Албан тушаалын байдлаа урвуулан ашиглаж, нэр бүхий компанитай байгуулсан гэрээгээр 34.9 тэрбум төгрөгийн орлого олох боломжийг алдагдуулсан, “Эрдэнэт Медикал” төв эмнэлгээс үйлдвэрийн ажилтнуудад хөнгөлөлттэй нөхцөлөөр эрүүл мэнд, эмнэлгийн тусламж, үйлчилгээ үзүүлэх гэрээ байгуулсан, эрх бүхий байгууллагын шийдвэр гараагүй байхад “Хөрөнгө баланснаас хасах” тухай тушаал гаргаж, бусдад шилжүүлэн улсад их хэмжээний хохирол учруулсан хэрэгт Эрүүгийн хуулийн 18.6 дугаар зүйлийн 2.3 /Мөнгө угаах/, Эрүүгийн хуулийн 22.1 дүгээр зүйлийн 2 /Эрх мэдэл, албан тушаалын байдлаа урвуулан ашиглах/, Эрүүгийн хуулийн 22.10 дугаар зүйлийн 1 /Үндэслэлгүйгээр хөрөнгөжих/-д заасан хэрэг үйлдсэн гэх бөгөөд яллах дүгнэлт үйлдэж Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд шилжүүлээд байгаа юм.
Сэтгэгдэл (0)
Сэтгэгдэл бичигдээгүй байна