УИХ-ыг гишүүн Б.Бат-Эрдэнэ: Бид нар хамтарсан засгийн газартай холбоотой асуудлаар МАН 58 68 гэдэг тоон дээр орсон. 58 гэдэг бол хүчтэй сөрөг хүчин гэхдээ нөгөө талдаа 58 аа сарниулах гэж байна гээд хамтарч хулгай хийж болохгүй. Энэ бол зарчим. 2015 онд байгуулагдсан Мабүчи сан гэдэг байгууллагад 2025 оны зургаадугаар сарын есний өдрийг хүртэл Ж.Галбадрах, П.Наранбаяр гэдэг хүн хоёулаа байсан. 2025 оны зургаадугаар сарын тавны өдөр Их сургууль байгуулах процесс явагдсан. Ж.Галбадрах гэдэг хүний байгуулсан Шинэ Монгол сургуульд П.Наранбаяр 2012-оос 2020 он хүртэл ажиллаж байсан. Авлигын эсрэг хуулиар шууд хамаарал болон хамаарлын асуудлыг хөнддөг. Би П.Наранбаяр Ж.Галбадрах хоёрыг шууд хамааралтай гэж хэлээгүй хамааралтай гэж хэлсэн.Авлигатай тэмцэх газар дээр энэ асуудал шалгагдаж байгаа. Боловсролын яаманд тодорхой хэмжээний хууль хяналтын байгууллагын хяналт шалгалт хийгдэж байгаа гэж ойлгосон. Тийм учраас УИХ-ын гишүүдээс Авлигатай тэмцэх газарт давхардуулж хандаад яах вэ гээд бид нар хандаагүй байгаа. Улс төржилт гэдэг зүйл хулгайчийг хамгаалж болохгүй. Бид нар авлигаас ангид байя, ашиг сонирхлоос ангид байя, албан тушаалын хэрэгт холбогдохгүй байя, Монгол улсыг хөгжүүлье гэж байгаа бол хамтрал гэдэг нэрээр хулгайгаа хаацайлж болохгүй. ХҮН намыг засгаас гаргах тухай ерөөсөө яриагүй. Хулгайчаа явуул л гэсэн. Т.Доржханд сайд П.Наранбаярыг өмөөрч ЗГ-аас гарна гэж байвал энэ нь шантааж гэсэн үг.
