​Б.Наранбадрах: Малын хулгайн хэргийг илрүүлэлтийн хувь нь 29 хувьтай хохирол барагдуулалтын хувь нь 5 хувьтай байдаг

"Монгол адууны диваажин" хөдөлгөөний тэргүүн Б.Наранбадрах малын хулгайн хурцадсан асуудлын талаар хэвлэлийн бага хурал хийлээ.

 Тэрээр: Ченжүүд нь амьд мал бөөндөж авна гээд авна гээд сууж байдаг тэгэнгүүт нь малчин айл хамаг малаа зараад төв рүү нүүж байдаг нь Монгол улсад хэдийнээ бий болчихсон үзэгдэл. Сүүлийн дөрвөн жилд малаа хулгайд алдсан иргэдийн хамгийн бага нь 50 адуугаа алдсан нэг нь ч олоогүй. Монголд гардаг малын хулгайн гэмт хэргийн 54 хувь нь дангаараа адууны хулгай байдаг. Энэ гэмт хэргийг илрүүлэлтийн хувь нь 29 хувьтай хохирол барагдуулалтын хувь нь 5 хувьтай байдаг. Энэ дээр малчин цагдаа хоёрын хооронд үл ойлголцол болдог. Жил бүр Улаанбаатар хот руу 31-59 мянган хүн нүүдэг. 2018-2021 оны хооронд нүүдэллэх хөдөлгөөний судалгаа хийгдсэн яагаад нүүгээд байгаа бэ? Гээд дөрвөн мянган хүнээс түүврээр асуусны 37 хувь нь малын хулгайн асуудалтай холбоотой хариулт өгсөн. Манай малчид үүн дээр Монгол адууны бодлого байх ёстой юм байна гээд Ерөнхийлөгчид уриалаад гурван жил явж байна. Мөн малчны 10 бодлого танилцуулсан. Худалдааных нь системийг ухаалаг болгоод emongolia-руугаа ороод Монгол малчны application руу ороод адууныхаа махыг авдаг авдаг болоод тэр лангуу захаас битгий ав. 

Малын хулгайг эдийн засгийн аргаар шийдье. Малын хулгай багасаад эхэлбэл малчны бодлого гэдэг хөгжлийн бодлого руу орох юм. адууны хулгай гэдэг асуудал маш аюултай байна. Малчны амьдрал бэлчээрийн даацтай шууд хамааралтай. Бэлчээрийн даацын асуудлыг шийдэх асуудал малчдын орлоготой шууд хамааралтай. Малын хулгайн ял нь маш хөнгөн бас хулгайчийг нь барьж өгчхөөд байхад 2017 оны хуулиар хүний эрх гэдэг асуудлаар гадуур мөрдөн шалгаж байна. Мал нядалгааны газрууд нүднээс далд танилын хүрээгээр ажиллаж байна. Ард иргэд гарал үүсэл нь тодорхой бус мах хэрэглэж байна гэв.