УИХ-ыг гишүүн Ж.Чинбүрэн Ерөнхий сайдыг томилох чуулганы нэгдсэн хуралдаанд үг хэлж асуулт асуулаа.
Ж.Чинбүрэн: УИХ-ын сонгуульд өвдөг шороодох бол улстөрч хүнд байх л асуудал. Харин ч давуу тал байх гэж бодож байна. Таныг найм дахь удаагийн парламентын дарга байх үед чухал зүйлүүд дээр хамтарч ажиллаж байсан тэр дундаа эрүүл мэндийн салбарын эрх зүйн шинэчлэлт хийх ажлын хэсэг байгуулж нэлээдгүй их хуулийг баталж чадсан. Үүнтэй холбогдуулан эмийн чанарын асуудлыг сайжруулах талаар түр хороо байгуулж нухацтай ярилцаж болохгүй байгаа асуудлыг ил гаргасан.УИХ-аас 12 зүйл заалтыг батлаад байгаа боловч хэрэгжилт нь одоо хүртэл байхгүй байна. Эрүүл мэндийн салбарын санхүүжилт тийм ч бага биш дөрөв дахин нэмсэн үүний зарцуулалтын оновчтой байдал, хэрэглээнд суурилсан хүн бүрд хүртээмжтэй байх тогтолцоог яагаад хийж чадаагүй вэ? Г.Занданшатар таныг дэмжиж байгаа. Төрийн үйл ажиллагаа тасалдах ёсгүй. Тийм учраас нөлөөлөлд авталгүй үйл ажиллагааг нэг ч хоног хойшлуулж болохгүй.
