ТББХ-ны хурлын шийдвэрийн талаар УИХ-ын гишүүн Н.Номтойбаяр байр сууриа илэрхийллээ.
Засагт хамтрах талаар яриа хэлэлцээр болон урилга мөн бичгээр ямар ч санал ирээгүйг хариуцлагатай хэлье. Орох орохгүй талаар эргэлзээтэй асуудлууд байна одоо ч эргэлзээ бүрэн тайлагдаагүй байна. Дээрээс нь Засгийн газарт ямар хүмүүс байхын гар нийлж ажиллаж чадах хүмүүс байх юм уу байхгүй юм уу? Ярих болохоороо гоё юм ярьчхаад ажил хийх болохоороо эсрэг юм хийгээд байдаг. Ямбыг нь эдлээд ялыг нь үүрдэггүй сайд нар байна. Засгийн газрын бүтэц цомхон байх хэрэгтэй. Бүрэлдэхүүн нь чадвар, чадамжтай байх хэрэгтэй. Улс төрийн хагаралтай, эдийн засгийн хямралтай энэ үед ханцуй шамлаад орох мэдлэгтэй чадвартай зоригтой хүмүүс Засгийн газарт бүрдэх хэрэгтэй. Итгэл төрөхгүй байна гэдгээ удаа хэллээ. Кабинетын зарчим итгэл дээр тогтдог. Өнгөрсөн Засгийн газрыг харахад итгэл 100% байгаагүй. Сая Л.Оюун-Эрдэнийн унагаах асуудал дээр Засгийн газрын нэлээд хэдэн гишүүд нь эсрэг ажиллаа. Эсрэг ажиллаж болно гэхдээ хамгийн гол тэрийгээ нүүрэн дээр нь хэлэх хэрэгтэй. Тэрнээс биш тэвэрч байгаад араар нь хутгуур хийж болохгүй.
Татвар бууруулна гэж бүгдээрээ гоё ярьдаг тэгээд ярьсныхаа эсрэг явж эхэлдэг. Ийм уламжлалт иргэдээ хуурдаг Засгийн газарт хэрхэв ч орохгүй. Улс төрч хүн хамгийн хэцүү цаг үеийг сонгож ханцуй шамалдаг.
