Э.Бат-Амгалан: Надад ЗГ-т орж ажиллах санал ирвэл татгалзаж, айх зүйл алга

МАН-ын бага яг одоо хуралдаж байгаа билээ. Эл хурлаар дараагийн Ерөнхий сайдыг сонгох билээ. Энэ талаар УИХ-ын гишүүн Э.Бат-Амгалан байр сууриа илэрхийллээ. 

Тэрээр “Эх орны нийгэм эдийн засгийн асуудал хүндхэн байгаа энэ нөхцөл байдалд

• Нэгдүгээрт- Нийгэм эдийн засгийн мэдлэгтэй
• Хоёрдугаарт- Олон намын системтэй парламентын намуудынхаа эрх ашгийг хангачихдаг мөн иргэдийн төлөө орж ирж байгаа хуулиудыг аваад гарчих чадалтай, улстөрийн зангаргатай хүн байгаасай гэж бодож байна.

Г.Занданшатар дарга бол хэд хэдэн удаа УИХ-ын гишүүнээр ажилласан, УИХ-ын даргаар ажилласан улстөрийн, намын туршлагатай аль алийг нь аваад явчих туршлагатай хүн. МАН дотор бол Ерөнхий сайд хийж чадах маш олон боловсон хүчин байгаа. Засгийн газарт орж ажиллах санал тавивал татгалзаад айгаад байх асуудал байхгүй олонхын шийдвэрийг дагана” гэлээ.