Дараагийн Ерөнхий сайд хэн болох талаар МАН-ын удирдах зөвлөлийн гишүүн, Монгол Улсын Их Хурлын Төсвийн байнгын хорооны дарга Ц.Даваасүрэн байр сууриа илэрхийллээ.
Монгол Улсын Их Хурлын Төсвийн байнгын хорооны дарга Ц.Даваасүрэн: Хүлээн зөвшөөрөгдсөн улс төрийн хат суусан шударга, шуналгүй тийм хүн л байх хэрэгтэй. Тойрогтоо сонгогчдоосоо дэмжлэг авч чадаагүй хүн орж ирэх боломж байхгүй. Яагаад гэвэл төрийн гурван өндөрлөгийн нэгийг нь хаших хүн ард түмнийхээ итгэлийг хүлээсэн хүн байх хэрэгтэй. Тухайн салбартаа бүрэн хүлээн зөвшөөрөгдсөн хүн сайд болох хэрэгтэй. Тэр хүн давхар дээлтэй байна уу? Дан дээлтэй байна уу? хамаагүй. Өмнө нь бол өөрсдийг нь дагасан жулдрай хүн тавьдаг байсан тэгэхлээр Засгийн ажил урагшаа явахгүй. Дараагийн Ерөнхий сайд төсөв мөнгийг яаж олох вэ? гэдэг дээр толгойгоо гашилгаж чаддаг хүн байх хэрэгтэй гэв.
