Ерөнхий сайд Л.Оюун-Эрдэнэд итгэл хүлээлгэх асуудлыг Төрийн байгуулалтын байнгын хороонд 12 цагаас хэлэлцээд дараа нь УИХ- аар оруулан итгэл хүлээлгэх эсэх асуудал шийдэгдэнэ.
Монгол Улсын Их Хурлын гишүүн А.Ариунзаяа: Бүлгийн хурал дээр итгэл хүлээлцэх асуудал орж ирсэн. Итгэл хүлээлцэх асуудал Төрийн байгуулалтын байнгын хороо чуулганд орж ирнэ. Тэгэхээр 12 цагаас төрийн байгуулалтын байнгын хороо хуралдана. Гишүүд ямар нэгэн байдлаар саналаа хэлсэнгүй өөрсдөө итгэл үнэмшлээрээ саналаа өгнө гэж тохиролцсон. Үүнд шахалт болон үүрэг даалгавар өгсөн асуудал байхгүй. Бүлэг хаалттай хуралддаг. Олон нийтэд нээлттэй хуралддаггүй улс төрийн зөвлөл, улс төрийн агуулгаараа л бүлэг хуралддаг учраас хаалттай явагддаг. Байнгын хороо нээлттэй явагддаг. Ерөнхий сайдын асуудалтай холбоотойгоор гишүүд рүү маш их мессеж ирж байна, заналхийлсэн мессежнүүд ч ирж байна. Үүнд нь автахгүй гэхдээ ийм нөхцөл байдал үүсэж байгаад харамсалтай байна гэлээ.
