"Булган аймгийн Тэшиг сумын Жаргалант багийн нутагт байрлах Ерөнхий Боловсролын Сургуулийн сурагч хаалганд цохиулж, баруун нүдэндээ гэмтэл авсан" гэх дуудлага мэдээлэл цагдаагийн байгууллагад тавдугаар сарын 27-ны 10:00 цагийн орчимд бүртгэгдсэн байна.
Одоогоор Цагдаагийн Ерөнхий Газраас шалгалтын ажиллагааг үргэлжлүүлж байгаа гэх хариуг өглөө. Хохирогч уржигдар буюу тавдугаар сарын 28-ны өдөр Эх Хүүхдийн Эрүүл Мэндийн Үндэсний Төвд нүдний хагалгаанд орсон байна
Энэ талаар хүүгийн эгч: "Дүү маань биеийн тамирын хичээлийн дараа анги руу гаа явж байх үед нь багш нарын өрөөнөөс хаалга хүчтэй савж гарч ирээд дүү маань оногдсон. Нүд рүү нь хаалганы бариул орсон аймшигтай осол гарлаа. Нэг нүд нь найдваргүй болсон гэж эмч нар ярьж байна" хэмээн ярьжээ
