ХЗДХ-ийн сайд О.Алтангэрэл цаг үеийн асуудлаар мэдээлэл өглөө.
ХЗДХ-ийн сайд О.Алтангэрэл: “УИХ итгэл үзүүлэх эсэх асуудлаар тогтоолын төсөл оруулах эсэх асуудал нь Ерөнхий сайдын бүрэн эрхийн асуудал байдаг. Л.Гантөмөр даргын хувьд Хамтарсан засгийн газарт Ардчилсан намаас ажиллаж байгаа найман сайд өөрсдөө чөлөөлөгдөх өргөдлөө бичнэ. Төслийг нь бэлд гэж надад хэлсэн би бэлдээд явж байна бүгдээрээ гарын үсгээ зурна. Ерөнхий сайдад итгэл үзүүлэх тал дээр бүлгийнхээ шийдвэрийг дагана. Засагт хамтрахдаа Үндэсний бодлогын хороо, улс төрийн зөвлөл, Ардчилсан намын бүлгийн хурлаар шийдвэр гаргуулж орсон. Бүлэг итгэл үзүүлэх шийдвэрийг дэмжинэ гэвэл түүнийг дагана. Үндсэндээ МАН-ын улс төрийн шийдвэр нь гарсан учраас найман сайд чөлөөлөгдье. Бид нар гэрээнийхаа үүргийг зөрчсөн гэж үзэхгүй байна. Гэрээний үүргээ зөрчөөгүй өргөсөн тангарагтаа үнэнч ажиллаж байхад ийм шийдвэр гарч байна. Тийм болохоор улс төрийн хувьд өөрсдөө өргөдлөө өгөх нь зүйтэй” гэв.
