УИХ-ын чуулганаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хийнэ.
Өнөөдөр тус хуулийн анхны хэлэлцүүлгийг УИХ-аар дэмжлээ. Тус хуулийн санаачлагч ЗГХЭГ-ийн дарга
Н. Учрал: “Цахим мөрийтэй тоглоомийг зохион байгуулах, дэмжлэг үзүүлэх, agent буюу зуучлалын үйл ажиллагааг явуулах мөн цахим мөрийтэй тоглоомийг бүх хэлбэрээр сурталчлах буюу хувцас дээр логог нь тавих, ивээн тэтгэх, тоглохыг уриалдаг энэ үйлдлүүдийг бүхэлд нь хориглож байна. Бүхэлд нь хориглосноор Монгол улс цахим мөрийтэй тоглоом, төлбөр таавар, бооцоот тоглоомын үйл ажиллагааг бүхэлд нь хориглож байна. Энэ хууль батлагдсантай холбогдуулан технологийн хувьд бэлэн байдлыг хангах ёстой. Хууль батлагдсанаараа мөрийтэй тоглоомын үйлдэл дээр хязгаарлалт хийх боломж бүрдэж байна. Ингэснээр шууд 60 хувиар буурна гэж хууль хяналтын байгууллага хэлсэн. Технологийн бүрэн бүтэн байдлыг хангуулж чадвал VPN ашиглах хууль бус аргаар тоглох оролдлогуудыг хийвэл түүнийг илрүүлэх илрүүлсэн тохиолдолд хуулийн хариуцлага тооцно. Манай улсад мөрийтэй тоглоомыг тоглоход бэлэн биш байна. Олон айл өрхийн амьдралыг хүнд байдалд оруулж байгаа үйлдлээс татгалзах ёстой. Энэ хууль батлагдах процессын хувьд олон хүн гомдол саналаа илэрхийлсэн. Цахим мөрийтэй тоглоомонд хохироогүй хүн байхгүй болчихлоо. Жилд 500 сая доллар буюу 1,7 их наяд гарсан гэвч хоёрхон сарын хугацаанд гарсан зардал 50 гаруй сая доллар. Энэ удаагын хуулиар бүгдийг нь бүхэлд нь хориглож байна. Цаашдаа зөвшөөрөл олгоно гэвэл бие даасан хуультай болгож олон улсын стандартыг нь тавьж хуулийг нь гаргаж өгөхгүй бол алдаа гарна. Иргэд бүхэлд нь хориглооч гэдэг санал гаргасан үүн дээр тулгуурлан шийдвэр гаргасан” гэв.
