Бид хичнээн шүүмжлээд ч МАН 2027 оны Ерөнхийлөгчийн сонгууль, 2028 оны УИХ-ын сонгуульд дахин ялахын тулд Засгийн бодлогоо үргэлжлүүлэн авч явж, хэрэгжүүлж чадах хүнээ л Ерөнхий сайдаар сонгоно. Женкогийн үеэл, худ хэн байлаа ч үл тооно. Засгаас гадна МАН гэх том ачааг үүрч явах болохоор амбицтай олон гишүүддээ хүлээн зөвшөөрөгдөж, гадна дотны улстөрчидтэй ойлголцож эв эеийг хичээн зангидаж чадах зангарагтай хүнээ л сонгоно.
Тэр хүн нь харин хувь хүн талаасаа Монголын төлөө, маниусын төлөө зүтгэх сэтгэл зүрхтэй, төрийн ажилд нухлагдаж, өлөн нь арилсан хүн байгаасай.
Дараагийн Ерөнхий сайдын таамагт нэр дэвшигчээр тодроод байгаа дараах хүмүүсийн хэн хэн нь бэ гэдгийг монголчууд даяараа л мэднэ. Төрийн туршлагатай түшээд. Тэглээ гээд гэр бүл, үр хүүхдийг нь оролцуулж л битгий муулаарай. Тэртэй тэргүй маниусын хов жив МАН-ын улс төрийн сонголтод нөлөөлөхгүй.
