АН-ын даргын хувьд нэг ч өдөр амралгүй, нам дотроо ч, том улс төрд ч эрх баригч намтай ойлголцон ажиллаж, хэдхэн сар ч гэсэн АН-ынхнаа ажилтай албан тушаалтай болгож, Монгол Улсынхаа хөгжилд чухал мега төслүүдийг хөдөлгөснөөрөө Л.Гантөмөр гавьяатай лидер. Харин “Энэ ачааг даах хүн л АН-ын дарга болоосой” гэсэн түүний үгийг дааж АН-ын дарга болох хүн хэн бэ?
Х.Баттулгыг Ерөнхийлөгч байх үед АН-ын дарга болох гэж хэд хэдэн удаа оролдож “цаасан” дээрх тамгагүй дарга болж байсан О.Цогтгэрэл Л.Гантөмөрийн орыг залгамжлан АН-ыг удирдаж чадах уу? Тэр ТЭСО гэж үндэсний брендийг үүсгэн байгуулж чадсан бизнесмэн. Харин ардчиллыг сахин хамгаалж, үзэл бодолдоо үнэнч АН-ын гишүүдийг удирдан чиглүүлэх улстөрчийн чадвартай юу?
Парламентад хоёронтоо сонгогдож УИХ дахь АН-ын бүлгийг 2 дахиа удирдаж буй. Гэвч УИХ дотроо ч өөдтэй улс төр хийж байгаагүй билээ.
АН-ын дарга болох эртний хүсэлтэй тэрбээр энэ удаад ч АН-ын даргад нэр дэвших байх. Харин муу хэлүүлсэн ч АН-ыг амь оруулж парламентад 42 суудалтай болгож, “гудамжинд” байсан намаа Засагт хүртэл багтааж чадсан Л.Гантөмөр шиг эв зүйг олсон зөөлөн улс төрөөр АН-ыг нэгтгэн удирдаж чадах уу?
Женкогийн гэх томоос том тамгатай түүнийг женкочдоос салахыг хүсдэг АН-ын гишүүд итгэж дэмжих болов уу?
О.Цогтгэрэл Л.Гантөмөрөөс илүү байж чадах уу?!
