Л.Оюун-Эрдэнэ Ерөнхий сайдаасаа огцрох өргөдлөө Бодлогын зөвлөл дээр өнөөдөр өгнө гэсэн мэдээлэл байна.
“Намын Бага хурал нь дэмжээгүй учраас салахаас өөр зам үлдсэнгүй ээ. Гэхдээ би Ерөнхий сайдын хувьд та нартайгаа хамт огцрохоор шийдлээ” гэсэн улс төрийн соёлтой шалтгаанаар огцрох нь Л.Оюун-Эрдэнийн хувьд цүнх бөгжнөөс болж огцорсноос хамаагүй илүү байх.
Ерөнхий сайд өөрөө огцорсноор Засгийн газар бүрэлдэхүүнээрээ огцрох Үндсэн хуулийн 43.2 дахь заалт үйлчилж эхэлнэ.
Энэ тохиолдолд АН-ынхан засгаас хөөгдсөн хариугаа авч Ерөнхий сайд бөгөөд МАН-ын даргыг огцруулах санал гаргах боломжгүй болох юм.
Энэ нь МАН-ынханд ашигтай давхар тактик бөгөөд цүнх бөгжнөөс болж намын даргаа Ерөнхий сайдаас нь огцруулснаас АН-ынханд хариуцлага тооцох нь жинхэнэ улс төрийн зальтай тоглолт болоод байна.
Уг нь АН парламентад 42 суудалтай. Энэ нь Ерөнхий сайдыг 126 гишүүний 4/1-ээр буюу 32 гишүүний саналаар огцруулах санал гаргах боломжтой байсан юм. Үндсэн хуулийэ энэ заалтыг хэрэгжүүлэхээр УИХ дахь АН-ын гишүүн Лодойсамбуу аль эртнээс гарын үсэг цуглуулж эхэлсэн. Энэ нь эцсийн дүндээ АН-ыг Засагт хамтарсан улс төрийн гэрээгээ зөрчсөн гэх гол шалтгаан болсон юм. Ч.Лодойсамбуугийн хувийн улс төр Л.Оюун-Эрдэнийг Ерөнхий сайдаас “хөөгдөхөөс” аварлаа
Ямартай ч Л.Оюун-Эрдэнийг хэн нэг охины цүнх бөгжнөөс болж огцрохоос аргагүй байдалд хүргэсэн шахалт шаардлагыг МАН зальжин улс төрөөр аргалж, Ерөнхий сайддаа цэвэрхэн “хариуцлага” тооцлоо. МАН үнэхээр улс төрийн мангас юм байна.
АН-ын дарга Л.Гантөмөр дарга шиг дарга байж УИХ дахь гишүүдээ бодлогоор барьж чадсан бол МАН-д ийм шалтаг гаргахгүй байх байлаа
