УИХ-ын гишүүн Л.Гантөмөр цаг үеийн асуудлаар мэдээлэл өглөө.
Тэрбээр, "Бид итгэл үнэмшлээрээ нийлж хамтарсан засгийн газар байгуулсан. Өөрөөр хэлбэл, улсынхаа эрх ашгийн төлөө нэгдсэн. Улсынхаа эрх ашгаас урвасан тохиолдолд нам эвсэл, хамтарсан засгийн газар тарах ёстой. Ардчилсан нам улсынхаа эрх ашгаас хэзээ ч урвахгүй. Бид бол тавьсан зорилтынхоо төлөө 2024-2028 оны засгийн газрын мөрийн хөтөлбөрийн төлөө тууштай ажиллаж байгаа. Ардчилсан намын улс төрийн гишүүд хамтарсан засгийн газрын шийдвэрт садаа болох шийдвэр гаргаж байгаагүй гэдгийг бүгд мэднэ. Бид бол байгуулсан гэрээнийхээ талд хатуу зогсоно. Ер нь засаглалын хямрал ирэх нь тодорхой. Олонх, цөөнх гэсэн зодоон Монголын төрийн эв нэгдлийг алдагдуулна. Тэр бол баталгаатай. МАН шийдвэрээ гаргаагүй байхад олон юм яримааргүй байна. Хамтарсан засгийн газрын тэргүүн шадар сайд нь элдвийн юм яриад зогсож болохгүй шүү дээ. Та бүхэн минь ойлгоорой. Би ардчилсан намаас нэг зүйл хүснэ. Улс орныхоо эрх ашгийг нэгт тавьдаг энэ сэтгэлгээгээ хадгалж явахыг хичээгээрэй. Эв эе гэдэг бол монгол төрийн том ухаан нь" гэв
