Ерөнхий сайдын эрх бэрийн дуулиан намжихгүй нь бололтой. Ямартай ч бид элдэв дээдсийн тансаглалыг үл тэвчин хэрсүү ханддаг болсон нь хэдэн өдөр хөвөрсөн сошиалын дуулиан харуулж буй нь сайшаалтай.
Ард түмэн чинь хуруу хумсаа хугалан байж олсон хэдэн төгрөгөөсөө төрдөө төвлөрүүлж, татвар дарамтаа дийлэхгүй улныхаараа дуудуулан амьдарч байна.
Гэтэл Ерөнхий сайдын 20-хон настай хүү О.Тэмүүлэн найз охин Ө.Өгөөмөртөө
Lexus RX машин – 250 сая
Сhanel цүнх - 5000$ буюу 18 сая төгрөг,
Miu Miu брендийн пиджак – 4950$ буюу 17 сая төгрөг,
20 сая төгрөгөөр Гэрлэх саналын бөгж авч өгсөн үйлдэлд олон нийт инээх уйлахын наагуур шуугицгааж байна.
Чухамдаа бид бүхний төрд өгсөн мөнгө. Эрх бэрийн аав 27 жил бизнес эрхэлсэн гэх бол ээж нь Чингэлтэй дүүргийн НДХ-ийн даргаар ажилладаг.
Аав нь цүнхний мөнгө нь дутаад шилжүүлсэн гэх ч утга нь “Т” гэжээ. Тэмүүлэн үү? Төрсөн өдрийн бэлэг гэсэн аавынх нь утга уу? гэх мэтчилэн асуудлуудыг олон нийт мэдмээр байна.
Аав бүр охиноо эрхлүүлдэг, найз залуучууд ч найз бүсгүйдээ бэлэг авч өгдөг нь үнэн. Гэвч энэ жирийн нэг иргэн бизнесмэний асуудал огтоосоо биш. Нэгэн үед Хэнтийн БЭРХ-д галчаар ажиллаж байсан хэмээн өөрийнхөө амаар ярьсан Монгол улсын ерөнхий сайд, түүний хүүтэй холбогдсон хэргийн хувьд олон нийт орлогоо нотлохыг, баримтаа харуулахыг шаардах эрхтэй. Түүнийг нь хангаж өг. Ерөнхий сайд аа.
