ЦУОШГ: Түймэр гарч байгаа бүс нутагт салхины хурд нэмэгдэнэ

Ой хээрийн түймэртэй байгаа газруудын цаг агаарын нөхцөл байдлын талаар Цаг уурын байгууллагаас мэдээллээ. 

Дөрөвдүгээр сарын 29-ний 13 цагийн байдлаар:

• Сэлэнгэ аймгийн Цагааннуур сумын нутгаар салхи баруунаас секундэд 9 метр,
• Зүүнбүрэн, Хушаат, Сайхан сумдын нутгаар хойноосоо болон баруун хойноос секундэд 7-12 метр,
• Хэнтий аймгийн Норовлин сумын нутгаар баруун хойноос секундэд 12 метр салхитай байна.

Үдээс хойш салхины хүч нэмэгдэж болзошгүйг гал унтраахаар ажиллаж байгаа албан хаагч, иргэдэд анхаарууллаа.