Өнөөдөр Арлчилсан намын 35 жилийн ой тохиож буй. Тэгвэл УИХ-ын гишүүн М.Нарантуяа-Нара өөрийн цахим хуудасаараа дамжуулан баяр хүргэж, мэндчилгээ дэвшүүлжээ.
Өнөөдрөөс 35н жилийн өмнөх энэ өдөр Ардчилсан нам анхны хурлаа хийж, үүрээ засаж, шаваа тавьсан өдөр.
Ардчилал, шударга ёс, Ардчиллын их үйлсийг эхлүүлж, өнөөдрийн Монгол Улсын эрх чөлөөт, ардчилсан тогтолцоог бий болгоход үнэтэй хувь нэмэр оруулсан хүн бүрт Ардчилсан намын 35 жилийн ойн баярын мэндийг өргөн дэвшүүлье!
Ардчилал бол Та бидний оролцоо, итгэл сэтгэл, шударга ёс, эв нэгдэл юм.
Ардчилал, шударга ёс, хүний эрхийн тухай ойлголт нь нэг намын бус нийт ард түмний өмч, нийт Монголчуудын үнэт зүйл итгэл үнэмшил, үндэсний эрх ашиг билээ.
Тиймээс энэ өдөр бол Ардчилсан намын мэндэлсэн өдөр гэхээсээ илүү Монгол улсын улс төр, нийгэм, эдийн засаг, хүний хөгжил гээд бүхий л талбарт “ардчилсан соёл”-ийн үр таригдсан өдөр юм.
Ардчилсан соёлыг хүлээн авсан хүн бүрт энэ өдрийн мэндийг хүргэж, эрүүл саруул, эрх тэгш бүхнийг хүсье.
Эрх чөлөө, шударга ёс, эв нэгдлийг эрхэмлэж хамтдаа урагшилцгаая.
Монгол Улсын Их Хурлын гишүүн
М.Нарантуяа-Нара
Жич: Зураг нь хуучны зураг болно. Цэнхэр өнгөөр нь АН-н өнгө билэгдэн хүндэтгэв.
